web counter
LEXO PA REKLAMA!

SHKARKO APP

App Store
Google Play

E fundit!

x

Evi Kokalari: Basha gjobaxhi, por nuk e kam problem fare të bashkëpunoj

10 Tetor 2023, 10:24, Politikë CNA

Evi Kokalari: Basha gjobaxhi, por nuk e kam problem fare të

Aktivistja Evi Kokalari, Evis Kokalari apo Evi Angelakis, e cila dikur shante Lulzim Bashën dhe e quante gjobaxhi, është ulur në një tryezë me të dhe ka lënë të hapur mundësinë për bashkëpunim.

Këto deklarata “ia ka përplasur sërish në sy” moderatori Ylli Rakipi, i cili i vuri në dukje se po kërkon bashkëpunim me një person që e ka sharë e akuzuar.

Kokalari pranoi gjithçka dhe përsëriti akuzën e saj se Basha është gjobaxhi.

“Unë i qëndroj gjithçkaje që kam thënë”, u shpreh ajo, por theksoi se kjo nuk do ta ndalojë të bashkëpunojë me Bashën.

“Bashën e trajnoi Sali Berisha. Kur unë kam kapacitetin të komunikoj dhe të kem një relacion normal me Sali Berishën, Bashën nuk e kam problem fare të kem një relacion normal. Të jetë si të dojë Basha, unë kam një qëllim për 2025-ën. Kam mundësi të heq Edi Ramën duke bashkuar bazën e Partisë Demokratike dhe duke i shtuar elektoratin gri që këta nuk e kanë.

Kaq është, është punë strategjie, kaq është, unë jam shumë e qartë për parimet e mia, i jam kthyer Berishës për parimet e mia, i kthehem Bashës në çdo moment për parimet e mia dhe e fundit, unë jam ulur me Lulzim Bashën, kam diskutuar çfarë po bëjnë ata, çfarë kam ndërmend të bëj unë, çfarë është mundësia e një bashkëpunimi në të ardhmen, çfarë pres unë, çfarë do luftoj unë po të jem në qeveri. Mundet të bashkëpunoj me Lulzim Bashën”, theksoi Kokalari./ CNA





Lajmet e fundit nga