web counter
LEXO PA REKLAMA!

SHKARKO APP

App Store
Google Play

E fundit!

x

Macron viziton Shqipërinë/ 100 oficerë të xhandarmërisë franceze mbërrijnë në Tiranë

9 Tetor 2023, 13:56, Politikë CNA

Macron viziton Shqipërinë/ 100 oficerë të

Presidenti i Francës, Emmanuel Macron do të bëjë vizitën e parë dypalëshe të një presidenti francez në Shqipëri më 16 dhe 17 tetor gjatë Samitit për Procesin e Berlinit.

CNA mëson se në Tiranë kanë mbërritur 100 oficerë të xhandarmërisë dhe forca të sigurisë franceze. Kreu i shtetit francez do të qëndojë në Tiranë vetëm 1 natë. 

Samiti i ashtuquajtur “Procesi i Berlinit”, i nisur në vitin 2014 me iniciativën e ish-kancelares gjermane Angela Merkel, synon të promovojë dialogun politik, bashkëpunimin dhe pajtimin midis gjashtë vendeve të Ballkanit Perëndimor. 

Në Tiranë, fokusi do të jetë veçanërisht në tensionet e ripërtëritura midis Serbisë dhe Kosovës, për ngjarjet e 24 shtatorit, njofton presidenca franceze. 

"Në fund të samitit, kreu i shtetit do të nisë një vizitë dypalëshe duke vënë në pah dinamikën shumë pozitive të marrëdhënieve franko-shqiptare. Do të jetë një çështje e bashkëpunimit ekonomik, veçanërisht në drejtim të tranzicionit energjetik, por edhe të bashkëpunimit kulturor dhe arsimor, veçanërisht i dendur midis dy vendeve", thuhet në njoftim.

Emmanuel Macron takoi të enjten, gjatë samitit evropian në Granada (Spanjë) presidenten e Kosovës, Vjosa Osmani dhe atë të Serbisë Aleksandar Vuçiç. Ai u bëri thirrje atyre që të “vazhdojnë depërshkallëzimin dhe organizimin e shpejtë të zgjedhjeve të reja në veri të Kosovës”.

Përveç vendeve të rajonit, në Procesin e Berlinit janë përfshirë edhe nëntë shtete anëtare të Bashkimit Evropian (Austri, Bullgari, Kroaci, Francë, Gjermani, Greqi, Itali, Slloveni dhe Poloni) si dhe Mbretëria e Bashkuar./CNA

 

 

 





Lajmet e fundit nga