Video e Bashës duke i kërkuar falje biznesmenit/ Bardhi: La gjurmë, e takoi me një bashkëpunëtor

6 Tetor 2023, 21:44, Politikë CNA

Video e Bashës duke i kërkuar falje biznesmenit/ Bardhi: La

Fotomontazh - Gazment Bardhi dhe Lulzim Basha

Deputeti i PD-së, Gazment Bardhi hodhi akuza ditën e djeshme ndaj Lulzim Bashës se është i lidhur me oligarkët.

Ai dha se Basha dhe familjarët e tij kanë marrë kate ndërtesash në zona të shtrenjta, ndërsa deklaroi se ka edhe një video, ku Lulzim Basha i kërkonte falje një biznesmeni pasi e kishte sulmuar publikisht gjatë ditës.

Për këtë video, Bardhi foli sërish mbrëmjen e sotme në një intervistë me Merita Haklajn.

Ai u shpreh se videon e posedon personalisht dhe zbuloi se Basha u takua me biznesmenin e ndërtimit në një garazh, në praninë e një personi tjetër.

“Basha i takon oligarkët në garazhe”/ Bardhi: E kam me video, i kërkon falje
5 Tetor, 22:27

“Unë jam shumë i përgjegjshëm kur them një akuzë të caktuar dhe të siguroj që ajo është një ngjarje e vërtetë, ka ndodhur ekzaktësisht ditën kur Lulzim Basha akuzonte se në këtë ndërtimin po pastroheshin para e me radhë, ka shkuar dhe e ka informuar po themi shoqërinë apo biznesmenin konkret që kjo është një lojë politike, ai nuk ka gjë me të, e me radhë.

Sigurisht që këto format e maskimit i ka pasur pak të dobëta se fakti që ka shkuar me një bashkëpunëtor të tij nuk nënkupton se nuk ka lënë gjurmë dhe këto gjurmë unë i kam parë dhe sigurisht i disponoj”, u shpreh deputeti.

FAKTI/ Lulzim Basha merr dy kate në kullën më të shtrenjtë në Tiranë
5 Tetor, 10:26

Më tej, ai tregoi edhe arsyen se përse vendosi të flasë publikisht për këtë video.

Bardhi deklaroi se gjithçka e bëri për vetëmbrojtje, pasi u përball me baltosje nga ana e Bashës.

“Nuk kam unë asnjë qëllim të përndjek zotin Basha, nuk kam unë asnjë qëllim të merrem me zotin Basha, nuk kam unë asnjë qëllim të sulmoj zotin Basha, zero, por vërtetësia e atyre që t’i thua, kur ndikojnë edhe te mua, sigurisht që unë do duhet t’i trajtoj.

Është instikti i vetëmbrojtjes, pra nuk ka ndonjë sulm që unë po bëj me zotin Basha. Kur t’i vjen e më thua mua se unë jam pjesë e aleancës së kësaj kulle, ndërkohë që unë nuk i njoh me fytyrë personat që investojnë apo biznesmenët që investojnë në atë kullë, kështu pastaj t’i do marrësh përgjigjen që meriton me një të vërtetë. Unë nuk ndjek standardin e baltosjes”, theksoi deputeti./ CNA