web counter
LEXO PA REKLAMA!

SHKARKO APP

"Bandë kriminale që sulmoi Kosovën"/ Ministri Hasani kërkon hetim serioz nga Serbia

6 Tetor 2023, 14:09, Politikë CNA
"Bandë kriminale që sulmoi Kosovën"/ Ministri Hasani
Igli Hasani

Në konferencën pas takimit të ministerialit mes ministrave të Jashtëm në kuadër të Procesit të Berlinit, ministri i Jashtëm, Igli Hasani i bëri thirrje Serbisë që të zhvillojë një hetim serioz lidhur me sulmin e 24 shtatorit, ku mbeti i vrarë efektivi Afrim Bunjaku. 

Hasani e cilësoi ngjarjen shumë të rëndë. 

“Ka ndodhur një ngjarje shumë e rëndë, një sulm terrorist kriminal në veri që kushdo që do mbante këtë detyrë do reagonte. Qëndrimi ynë ndaj procesit të dialogut mbetet i pandryshuar dhe është në harmoni me BE dhe SHBA. Ne kemi deklaruar dhe kërkuar publikisht dhe zyrtarisht se formati duhet ngritur në nivelin e një konference me planin franko-gjerman si udhërrëfyes. Presim që Serbia të nisë një hetim serioz për grupin kriminal terrorist. Sidomos në situatën e tanishme dialogu Kosovë-Serbi është rruga e vetme drejt paqes”, tha Hasani./CNA

 

 

 





Lajmet e fundit nga