web counter
LEXO PA REKLAMA!

SHKARKO APP

E fundit!

x

Sulmet në Izrael/ Ministrja e Jashtme: Deri tani asnjë shtetas shqiptar i lënduar

7 Tetor 2023, 09:55, Politikë CNA
Sulmet në Izrael/ Ministrja e Jashtme: Deri tani asnjë shtetas
Ministria e Jashtme

Ministria e Jashtme e Shqipërisë njofton se deri më tani nuk ka asnjë shtetas shqiptar të lënduar në Izrael, pas sulmit me raketa nga Hamasi mëngjesin e së shtunës.

"Ministria për Evropën dhe Punët e Jashtme është duke ndjekur nga afër situatën e tensionuar në Izrael. Sipas të dhënave deri më tani nuk ka asnjë shtetas shqiptar të lënduar nga këto sulme. Të gjithë qytetarët shqiptarë në Izrael, të ndjekin udhëzimet e autoriteteve lokale dhe të kontaktojnë për çdo rast me Ambasadën Shqiptare ???????? në Izrael në numrin e kontaktit:+972 54-4806601", thuhet në reagimin e ministrisë së Jashtme shqiptare. 

Në orët e para të së shtunës, lëvizja islamike Hamas ka nisur një sulm të madh ndaj Izraelit duke futur persona të armatosur dhe duke hedhur breshëri raketash nga Rripi i Gazës.

Ndërsa sirenat paralajmëruese janë ndezur në të gjithë Izraelin jugor dhe qendror, duke përfshirë Jerusalemin, ushtria izraelite tha se ishte në një bazë lufte ndërsa kryeministri Benjamin Netanyahu thirri një takim urgjent zyrtarët e sigurisë.

Ndërkohë pamjet tregojnë që edhe qytetarët janë mobilizuar dhe janë gati për të luftuar. Ashtu siç shihet dhe në fotot e ndara në mediat e huaja, ka vajza dhe gra të armatosura që janë gati për të luftuar./CNA

 

 





Lajmet e fundit nga