web counter
LEXO PA REKLAMA!

SHKARKO APP

App Store
Google Play

E fundit!

x

"Moment shumë i vështirë'/ Presidenti i Izraelit u jep kurajo ushtarëve, thirrja për qytetarët

7 Tetor 2023, 09:40, Kosova & Bota CNA
"Moment shumë i vështirë'/ Presidenti i Izraelit u jep
Presidenti izraelit, Isaac Herzog

Presidenti izraelit, Isaac Herzog ka thënë se vendi i tij po përballet me një moment shumë të vështirë.

Herzog u bëri thirrje qytetarëve që të ndjekin udhëzimet nga Komanda e Frontit të Brendshëm dhe të tregojnë përgjegjësi dhe vendosmëri reciproke.

Ndërsa ushtarëve i inkurajon dhe shprehet se dëshiron t'u ofrojë forcë. 

"Shteti i Izraelit po përballet me një moment shumë të vështirë. Dëshiroj t'u ofroj forcë komandantëve dhe ushtarëve të IDF (Forcave të Mbrojtjes së Izraelit) dhe të gjitha forcave të sigurisë dhe shërbimeve të shpëtimit. Unë dërgoj inkurajimin dhe forcën time për të gjithë banorët e Izraelit që janë nën sulm. U bëj thirrje të gjithëve që të ndjekin udhëzimet nga Komanda e Frontit të Brendshëm dhe të tregojnë përgjegjësi dhe vendosmëri reciproke.Ne mund t'i mposhtim të gjithë ata që na dëshirojnë të keqen", shprehet ai në një postim në rrjetin social X.

Në orët e para të së shtunës, lëvizja islamike Hamas ka nisur një sulm të madh ndaj Izraelit duke futur persona të armatosur dhe duke hedhur breshëri raketash nga Rripi i Gazës.

Ndërsa sirenat paralajmëruese janë ndezur në të gjithë Izraelin jugor dhe qendror, duke përfshirë Jerusalemin, ushtria izraelite tha se ishte në një bazë lufte ndërsa kryeministri Benjamin Netanyahu thirri një takim urgjent zyrtarët e sigurisë.

Ndërkohë pamjet tregojnë që edhe qytetarët janë mobilizuar dhe janë gati për të luftuar. Ashtu siç shihet dhe në fotot e ndara në mediat e huaja, ka vajza dhe gra të armatosura që janë gati për të luftuar./CNA

 

 

 





Lajmet e fundit nga