web counter
LEXO PA REKLAMA!

SHKARKO APP

App Store
Google Play

E fundit!

x

“Do bëjmë gjithçka për t’iu paraqitur evropianëve të vërtetën”/ Çfarë paralajmëron Berisha

9 Tetor 2023, 14:04, Politikë CNA

“Do bëjmë gjithçka për t’iu paraqitur

Ish-kryeministri Sali Berisha ka bërë një paralajmërim, teksa foli për Samitin e Berlinit që do të mbahet në Tiranë në 16 tetor dhe për zgjedhjet e 14 majit.

Berisha tha se në ditën e Samitit të Berlinit opozita do të bëjë gjithçka për të paraqitur para audiencës së nderuar evropiane, të vërtetat e Edi Ramës dhe regjimit të tij.

Ai theksoi se do ta mirëpresin samitin, por gjithashtu kanë si qëllim që të japin një informim korrekt në të gjitha nivelet për krimin dhe zgjedhjet.

“Janë një seri kategorish qytetarësh, me të cilët ne jemi të detyruar të ulemi, të dialogojmë, të arsyetojmë. Janë 600 mijë, e thashë edhe njëherë, që votuan kundër qeverisë. Atëherë, arsyetimi me ta, debati me ta, është i domosdoshëm, kemi të bëjmë me një regjim të qartë diktatorial.

Kemi të bëjmë me një regjim, i cili për konjukturat gjeopolitike të kohës, pret me 16 tetor, Samitin e Berlinit. Ne e mirëpresim samitin, pa diskutim, por ne do bëjmë gjithçka për të paraqitur para audiencës së nderuar evropiane, të vërtetat e Edi Ramës dhe regjimit të tij.

Kjo sigurisht jo me asnjë qëllim tjetër, përveçse një informim korrekt në të gjitha nivelet, për këtë regjim që bazohet në krimin, në drogën dhe vjedhjen e qytetarëve shqiptarë.

Mediat kanadeze publikuan një artikull të gjatë të tërë për kartelin e Sinaloas dhe miqtë e Edi Ramës, Luftar Hysën, etj. Pra, të gjitha këto e bëjnë më të komplikuar betejën tonë, por ne do e bëjmë këtë betejë, se ne kemi të drejtën, ne kemi të vërtetat me vete. Ne nuk shtojmë, nuk deformojmë asnjë të dhënë”, nënvizoi ish-kryeministri gjatë një takimi me Kryesinë e PD-së./ CNA





Lajmet e fundit nga