web counter
LEXO PA REKLAMA!

SHKARKO APP

App Store
Google Play

Blindimi i selisë së PD-së para protestës së 8 janarit/ Bardhi zbulon si u morën informacionet sekrete

9 Tetor 2023, 22:18, Politikë CNA
Blindimi i selisë së PD-së para protestës së 8 janarit/
Foto ilustruese

Gazment Bardhi është kthyer pas në kohë, në protestën e 8 janarit të vitit 2022 dhe blindimit të selisë së PD-së.

I pyetur se e kujt ishte ideja për blindimin në atë mënyrë të sleisë, Bardhi u shpreh se nuk e kishte fiksuar se e kujt ishte ideja por zbuloi se përmes një letre drejtori i Përgjithshëm i policisë kishte dhënë informacione sekrete për atë që pritej të ndohte në atë ditë.

Sipas Bardhit nëse atë ditë janë shmangur konfliktet fizike që mund të sillnin pasoja për shëndetin, atëherë është bërë zgjedhja e duhur e kujtdo ka qenë ajo ide.

“Ideja nuk e kam fiksuar 100 %. Unë dhe kolegu dhe Flamur Noka kemi marrë një letër nga drejtori i Përgjithshëm i policisë me informacione sekrete se çfarë pritej të ndodhte në 8 janar. Kishte një shqetësim real për jetën e demokratëve. Është menduar një zgjidhje për situatën. Personalisht kam qenë në Stamboll. Kur jam kthyer kishin filluar punë në seli, po bëheshin disa zyra në katin e parë. Po ndërtohesh disa zyra për sekretariat , janë marrë me çështjen e blindimit, unë gjykoj se nëse ai veprim ka shmangur kontaktin fizik që mund të sillte pasoja për shëndetin ka qenë e duhura”, tha Bardhi./ CNA





Lajmet e fundit nga