web counter
LEXO PA REKLAMA!

SHKARKO APP

App Store
Google Play

E fundit!

x

“Kanë pamjet e aksidentit…”, çfarë e mban në Shqipëri qytetarin që jeton në Zvicër

23 Shtator 2025, 22:00, Denoncim CNA

“Kanë pamjet e aksidentit…”, çfarë e mban

Ylber Djerri nga Thethi, është drejtuar në emisionin “Stop” në Tv Klan, pasi në muajin korrik ka bërë një aksident.

Ai tregon se duke lëvizur në Shkodër, në rrethrrotullim në kah të kundërt, një biçikletë i përplaset para makinës së tij. Ylberit i sekuestrojnë mjetin, që nuk e merr prej dy muajsh edhe pse janë pamjet filmike dhe aksidenti është i qartë.

“Në datën 17 më ka ndodhur një aksident, ku një person me biçikletë vjen dhe më godet në krah të kundërt. Problemi është se më kanë marrë makinën dhe nuk po ma japin. Shpejtësia ime ka qenë me 10 kilometra në orë, nuk ka qenë më tepër.

Zotëria u dëmtua lehtë, pas pasur vetëm gërvishtje, shkoi në spital për 4-5 orë dhe më pas ka shkuar tek shtëpia. Kam shkuar e kam takuar dhe më ka thënë që ‘faji është i imi, nuk më ke asnjë lloj faji ti’. Makinën ma kanë sekuestruar dhe akoma s’ma kanë dhënë. Kam shkuar te Prokuroria kam bërë dy herë kërkesë dhe asnjë lloj përgjigje. Unë nuk jetoj as këtu, dua vetëm të marr makinën dhe të iki të shikoj punën time”, thotë denoncuesi.

Ka bërë dy kërkesa në prokurori dhe ende s’ka marrë asnjë përgjigje. Problemi i Ylberit është, se jeton në Zvicër dhe i duhet të largohet, por duhet të marrë makinën me vete.  Pas interesimit të “Stop” në prokurori, Ylberi arriti ta marrë makinën e tij./tvklan.al

 





Lajmet e fundit nga