E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Skandal në Shkollën e Magjistraturës/ Arben Rakipi shpall kritere nul për prokurorët dhe gjyqtarët

17 Shtator 2025, 14:05, Denoncim CNA

Skandal në Shkollën e Magjistraturës/ Arben Rakipi shpall kritere

Gazetari Flavio Qarri, në rrjetet e tij sociale, ka ndarë një denoncim për një skandal në Shkollën e Magjistraturës që drejtohet nga Arben Rakipi.

Sipas denoncimit, Shkolla e Magjistraturës ka caktuar kriteret për gjyqtarë dhe prokurorë të pabotuara në Qendrën e Botimeve Zyrtare, të pabazuara në ligj dhe të bazuara vetëm në rregulloren e brendshme.

Madje dhe rregullorja nuk është e botuar në QBZ që e bën këtë akt dhe rregulloren nul nga ana ligjore.

Po sipas denoncimit Arben Rakipi po i përdor kriteret për të skualifikuar kandidatët dhe nuk po elaborohet nga organet e drejtësisë megjithëse janë në dijeni.

"Përshëndetje, ju përgëzoj për profesionalizmin, dhe problematikat reale që trajtoni.

Ju përcjell një informacion që do të trondiste një shtet ligjor nëse do ekzistonte një i tillë.

Shkolla e Magjistraturës në kundërshtim me Kushtetutën neni 136/a pika 2 dhe neni 148/ç pika 2 (*Ku thuhet se kriteret për gjyqtar dhe prokuror caktohen me ligj)

Ka caktuar kritere pa ligj bazuar në Rregulloren e brendshme që është një akt nul (pa fuqi juridike) pasi nuk është i botuar me QBZ Qendra e Botimeve Zyrtare, që botohen aktet me fuqi juridike.

Në kundërshtim me Kushtetutën shkolla e Magjistraturës, jo vetëm që nuk e ka botuar në Fletore Zyrtare (QBZ), Rregulloren e Brendshme, por në kundërshtim me çdo normë ligjore e përdor këtë akt (Rregulloren e brendshme që nga ana juridike sa kohë është e pabotuar në QBZ Nuk ka asnjë fuqi juridike), Shkolla e Magjistraturës e përdor këtë ‘Rregullore-Paçavure’ dhe me këtë kualifikon ose skualifikon kandidatë për gjyqtarë dhe prokuror që konkurrojnë.

E thënë më thjesht, Shkolla e Magjistraturës e Arben Rakipit justifikon kualifikimin dhe skualifikimin e kandidatëve për gjyqtar dhe prokuror në një akt pa vlerë juridike.

Kjo e dhënë do përbënte një shpërdorim detyre për çdo drejtues të një institucioni drejtësie që të justifikojë kualifikimin/skualifikimin e një kandidati bazuar në një akt të pabotuar në QBZ. Por ky skandal edhe pse qarkullon në qarqet e drejtësisë, nuk kanë guxim ta elaborojnë pasi është megaskandal një procedurë e tillë.

Për të vërtetuar këtë skandal, mjafton një shkresë e thjeshtë ose email drejtuar QBZ (Qendrës Botimeve Zyrtare që është organ publik në varësi Ministrisë Drejtësisë, e cila boton çdo akt nga Kushtetuta deri te një akt më i thjeshtë) Ku ta pyesni nëse:

A rezulton e botuar “Rregullorja e Brendshme“ e Shkollës Magjistraturës, ?! Dhe do ju kthejnë përgjigje që nuk është e botuar në QBZ, (për rrjedhojë nuk ka asnjë fuqi ligjore) por shkolla e A.Rakipit e përdor për të hequr kandidatë dhe vënë kandidatë pa akt të botuar në QBZ", shkruhet në postimin e gazetarit./CNA