E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

“Shtëpi tërmeti janë”, përplaset me ndërtuesin për cilësinë e punimeve

24 Shtator 2025, 22:00, Denoncim CNA

“Shtëpi tërmeti janë”, përplaset me

Emisioni “Stop” në Tv Klan në një lagje të Kasharit, pasi Hyrjan Plaku tregon se shtëpia e tij u dëmtua nga tërmeti i vitit 2019.

Nga programi i rindërtimit përfitoi 34 milionë lekë nga shteti, për të ndërtuar një banesë të re. Ai lidhi kontratë me firmën “Xhuvani Hasrama shpk”, me shpresën se do të ngrinte një shtëpi të fortë dhe të sigurt për familjen.

Por, sapo u fut në banesën e re, muret nisën të çaheshin nga jashtë edhe nga brenda. Edhe dyshemeja kishte probleme. Pllakat ishin vendosur keq dhe në disa vende betoni kishte dalë në sipërfaqe. Për më tepër, disa pjesë të preventivit, si veranda dhe shtrimi i saj me pllaka nuk ishin realizuar fare.

“Nga tërmeti i 2019-ës u dëmtua shtëpia e vjetër dhe përfituam nga programi i rindërtimit. Përfituam 34 milionë. Lidha kontratë me firmën “Xhuvani Hasrama shpk”. Pasi morëm shtëpinë nisën plasaritjet e shtëpisë. Ka pasur çarje shumë të mëdha, të dukshme me sy të lirë. Shtrimi i pllakave është bërë pa nivel dhe nuk është mbushur. Po jetojmë me frikë. Jemi veti i gjashtë në këtë shtëpi dhe nuk kam siguri”, tha denoncuesi.

I indinjuar, Hyrjani vendosi të denoncojë rastin. Ai tregoi, se kishte kaluar 22 milionë lekë nëpërmjet bankës, 8 milionë në dorë dhe kishte mbajtur vetëm 4 milionë lekë për vete, për nevoja familjare. Por kur u përball me gazetarin, Amarildo Hasrama, djali i pronarit të firmës ndërtuese, e pranoi se kishte pasur disa dëmtime, por i justifikoi me tërmetet që kanë ndodhur edhe pas ndërtimit.

“Ne, më tepër e kemi ndihmuar atë, se një pjesë ia kemi marrë dhe një pjesë i ka mbajtur vetë ai. Kanë ndodhur disa plasaritje mbas këtyre tërmeteve, që ndodhën tani mbrapa, po ia kemi thënë, që do ia riparojmë, për ta ndihmuar, jo se e kemi detyrim, se për aq lekë, sa i kemi marrë, s’ka lidhje me lekët, që ka marrë ( me grantin).I ka mbajtur vetë, unë e kam mbyllur se “hajd’ gjynah”.

Mbasi ka marrë lekët, nuk ka dashur t’i bëjë. I ka mbajtur lekët. Në llogari bankare nuk ka dhënë asnjë lek ai, edhe ato, që ka dhënë, i ka dhënë në dorë. Dhëndri i vet m’i ka sjellë lekët, nuk m’i ka sjellë ky. Tani, shtëpi tërmeti është ajo, edhe sikur të ishte me lekët e shtëpisë së tërmetit ( në shumën totale) me aq lekë, po prapë nuk janë cilësore. Ti në qoftë se nuk më jep lekët mua, si firmë ndërtimi, unë çfarë do bëj? Është më e sigurt se plinti, pllaka. Ia kam bërë me pllakë. Do t’ia rregullojmë, do t’ia sistemojmë nga jashtë…”, u shpreh Amarildo, duke lënë të kuptohet se cilësia e ndërtimit nuk mund të ishte më e lartë se aq./tvklan.al