web counter
LEXO PA REKLAMA!

SHKARKO APP

App Store
Google Play

E fundit!

x

INVESTIGIMI I PLUG/ Miliona euro të IPARD për kompani ndërtimi e grupe kriminale të lidhura me qeverinë

2 Tetor 2025, 10:40, Denoncim CNA

INVESTIGIMI I PLUG/ Miliona euro të IPARD për kompani ndërtimi e

Kompania Albgarden SH.P.K., në pronësi të Pjetër Trashajt, ka përfituar 48 mijë euro fonde nga AZHBR. Sipas njoftimit të AZHBR, Pjetër Trashaj ka përfituar fonde për të investuar në mekanikë bujqësore.

INVESTIGIMI I PLUG/ Miliona euro të IPARD për kompani ndërtimi e

Por teksa AlbGarden ka futur duart në paratë e fermerëve, kompania e Pjetër Trashajt është një nga përfituesit e tenderëve publikë, duke përfituar qindra mijëra euro për lule. Shpesh kjo kompani ka qenë nën akuzë edhe pasi djali i Pjetër Trashajt, ish-punonjës në Ministrinë e Mjedisit, ka firmosur tenderë për kompaninë e babait.

COMPANY RIVIERA 2008 SH.P.K., një tjetër kompani ndërtimi, në pronësi të Agim, Pëllumb, Kujtim dhe Viktor Kolës, është një nga përfituesit e majmë të fondeve IPARD. Investim në ndërtimin e një magazine me sipërfaqe 2,282 m2 përfshirë 13 dhoma frigoriferike për grumbullimin, seleksionimin, paketimin dhe ruajtjen e frutave dhe perimeve. Nga të dhënat rezulton se kjo kompani ka përfituar 810 mijë euro fonde nga IPARD, ndonëse përfiton gjithashtu çdo ditë dhjetëra tenderë publikë, për të cilët do të flasim në emisionin e ardhshëm.

INVESTIGIMI I PLUG/ Miliona euro të IPARD për kompani ndërtimi e

Apostol Xhaferri, një ndërtues nga Skrapari, familjarisht ka përfituar qindra mijëra euro nga IPARD.

Kompania “GOLDEN BEES” sh.p.k. (ish-“BLETA E ARTË”) u themelua në tetor 2018, nga Apostol Xhaferri. Vajza e tij, administratore aktuale e kompanisë, ka përfituar 154 mijë euro për ndërtimin e një kantine vere. E sikur të mos mjaftonte kjo, vetë Apostoli, i përfolur gjithashtu në media, ka pëfituar 202 mijë euro fonde nga IPARD. Në këtë rast babë e bijë morën nga IPARD 341,494 euro përmes kompanive të krijuara rishtazi.

ZDRAVO SH.P.K. është një kompani tjetër ndërtimi, që ka shkuar pranë pragut prej rreth 1 milion euro përfitime nga fondet IPARD. Kjo shoqëri, që aktualisht zotërohet nga disa persona, ka përfituar plot 981 mijë euro fonde nga IPARD. Investimi konsiston në blerjen e një linje të plotë për përpunimin e domateve, kastravecave, specave me kapacitet 1-2 tonë në orë duke e trefishuar kapacitetin para investimit. E sikur të mos mjaftonte marrja e fondeve, që duhet t'u shkonte fermerëve, ZDRAVO SH.P.K., është dhe një nga kompanitë e preferuara të kryebashkiakëve socialistë për tenderët publikë. Më shumë se 70 tenderë me pagesa mbi 15 milionë euro nga buxheti i shtetit ka marrë kjo kompani deri më sot.

Jo vetëm politikanë dhe sipërmarrës, apo njerëz me pushtet, por fonde nga programet e AZHBR dhe IPARD kanë përfituar edhe persona të skeduar.

Babai i Suel Çelës, Petrit Çela, ka përfituar nga programet kombëtare rreth 150 mijë euro për ndërtimin e tregut në Elbasan.

INVESTIGIMI I PLUG/ Miliona euro të IPARD për kompani ndërtimi e

Mediat kanë denoncuar edhe emra të tjerë. Arbër Çekaj, i cili ndodhet në burg për trafik kokaine nëpërmjet bananeve nga amerika latine, sipas mediave ka përfituar 264 mijë euo fonde nga BE. Agron Metvelaj, ka përfituar gjithashtu fonde nga AZHBR dhe IPARD, ndonëse ka qenë person i skeduar.

Emrat e mësipërm janë vetëm disa nga emrat e politikanëve apo personave të lidhur ngushtë me politikën, që kanë përfituar qindra mijëra euro fonde nga IPARD. Në vijim do t'ju tregojmë se dorën te taksat e qytetarëve europianë, dhuratë për fermerët shqiptarë, e futën edhe persona të botës së krimit apo përfitues tenderësh publikë.

Këta janë vetëm disa nga zyrtarët apo persona me rekorde kriminale që kanë zhvatur paratë e fermerëve./SYRI





Lajmet e fundit nga