web counter
LEXO PA REKLAMA!

SHKARKO APP

App Store
Google Play

E fundit!

x

Policia e kryeqytetit rri e vështron katrahurën e trafikut rrugor 

14 Tetor 2025, 11:32, Denoncim Xhovan Shyti

Policia e kryeqytetit rri e vështron katrahurën e trafikut

E dhimbshme, por fatkeqësisht e vërtetë. Trafiku rrugor i kryeqytetit Tiranë është një katrahurë e përsosur, ku sundon antiligji dhe jo struktura kompetente ligjore, që, në vend të sistemojë situatën, rri e vështron gjithsa.

Shihini vetë pamjet e fotografuara nga një investigim i CNA-së. Ato nuk kanë nevojë për koment, flasin vetë.

Automjete që bllokojnë stacionet e urbaneve, duke sfiduar madje edhe vijat e verdha me shënimet “BUS”, që, absolutisht, ndalojnë parkimin.

Policia e kryeqytetit rri e vështron katrahurën e trafikut

Automjete të parkuara para kazaneve të hedhurinave, duke sfiduar rregullin, rregulloren e ligjin e trafikut.

Policia e kryeqytetit rri e vështron katrahurën e trafikut

Automjete që bllokojnë trotuaret, që i kthejnë ato në vendparkime pa dashur t’ia dinë se ato janë të destinuara vetëm për udhëtarët.

Policia e kryeqytetit rri e vështron katrahurën e trafikut

Automjete të parkuara, madje edhe në vijat e bardha të kalimit të këmbësorëve, të cilët, duke shfryrë, mallkojnë policinë që nuk ndërhyn, por i lë të livadhisin.

Policia e kryeqytetit rri e vështron katrahurën e trafikut

Sepse pjesa dërrmuese e shkeljeve të sipërpëmendura ligjore kryhet në prezencë të shërbimeve policore statike, pa përmendur efektivët mobilë që patrullojnë zona të ndryshme të trafikut.

Që kalojnë me automjetet e policisë së shtetit, i shohin bandillët shkelës të ligjeve dhe vijojnë pa kthyer as dhe kokën e jo më të ushtrojnë marrjen e masave ndëshkuese.

Ndaj dhe rastet e dikurshme sporadike, së fundi, janë kthyer në fenomen masiv nervangritës për qytetarët.

Policia e kryeqytetit rri e vështron katrahurën e trafikut

Ndaj dhe katrahura po e zgjeron gjithnjë e më shumë kraterin, ngjashmërisht me llavën vullkanike që nga mungesa e barrierave ndaluese vjen një ditë e përvëlon gjithsa.

Faktet e sjella flasin vetë. Ato përmbysin deklaratat e raportimet e përditshme të policisë për menaxhimin me sukses të trafikut kryeqytetas.

Policia e kryeqytetit rri e vështron katrahurën e trafikut

Uroj që të njëjtin zell që ka nisur (edhe pse ende pa bazë ligjore specifike), për ndalimin e monopatinave, policitë zyrtare ta spostojnë edhe në menaxhimin e trafikut të Tiranës./ CNA





Lajmet e fundit nga