web counter
LEXO PA REKLAMA!

SHKARKO APP

App Store
Google Play

Asim Vokshi agjent i shërbimeve sekrete?/ Gjykata e Lartë dhe KED të përfshira në skandal

9 Nëntor 2025, 18:54, Aktualitet CNA

Asim Vokshi agjent i shërbimeve sekrete?/ Gjykata e Lartë dhe KED

Top Channel sot ka publikuar një lajm mjaft të rëndë, i cili akuzon në mënyrë të drejtpërdrejtë kryetarin e Gjykatës së Lartë si një njeri që ka gënjyer, minimalisht. Pa i hyrë në themel se a ka apo jo vepër penale.

Top Channel thotë se kreu i Gjykatës së Lartë, Sokol Sadushi, ka fshehur dokumentin e ardhur nga agjencitë ligjzbatuese në lidhje me anëtarin e Gjykatës së Lartë që u çua në Gjykatë Kushtetuese, Asim Vokshi.

 

Në fakt, mjafton të lexosh mes rreshtash dhe ngrihet çdo dyshim, se shtetasi Asim Vokshi mund të ketë qenë bashkëpunëtor i ndonjë agjencie të huaj. Dhe me sa duket dhe duke e përkthyer leximin e raportimit, Asim Vokshi ka të gjitha gjasat që të akuzohet si një bashkëpunëtor i shërbimeve sekrete. Kjo e raportuar nëpërmjet agjencive ligjzbatuese shqiptare.

Në fakt Asim Vokshi ka ardhur nga Kosova në Shqipëri dhe akuza të tilla në qarqet e drejtësisë kanë qenë të shumta, por ajo që bie në sy në këtë radhë është që janë agjencitë ligjzbatuese të cilat, sipas Top Channel, e kanë dhënë këtë informacion zyrtar.

Në krye të agjencisë kryesore të sigurisë kombëtare, siç është SHISH-i, është Vlora Hyseni, një shqiptare nga Kosova. Ndaj dhe çështja bëhet dhe më serioze.

Në rast se gjithçka është e vërtetë dhe ekziston dokumenti dhe veprimi i Sokol Sadushit, jemi përballë një skandali shumë të rëndë. Pasi janë të gjitha dyshimet që lindin për mediat, që lindin për qytetarët, se ne kemi një anëtar të rekomanduar apo të zgjedhur nga KED-ja për në Gjykatën Kushtetuese, i cili ka qenë bashkëpunëtor i shërbimeve.

 

Në skandal janë të përfshirë Sokol Sadushi si kryetar i Gjykatës së Lartë dhe KED-ja, që ka bërë emërimin e Asim Vokshit si anëtar i Gjykatës Kushtetuese. Sepse anëtarët e KED-së kur kanë trajtuar informacionet në lidhje me kandidatët për anëtarë të Gjykatës Kushtetuese kanë marrë certifikata sigurie. Pasi janë pajisur me certifikata sigurie, kanë trajtuar informacione të klasifikuara dhe është kaluar në këtë fazë.

Pra te KED-ja gjithçka dhe te lajmi i Top Channel ka një lapsus, që fshehja është përpara trupës së 15 gjyqtarëve. Jo, ka një lapsus, është ezauruar në momentin që anëtarët e KED kanë marrë certifikata sigurie, kanë trajtuar informacion të klasifikuar dhe i kanë kaluar këta emra.

15 gjyqtarët nuk i kanë hyrë fare procesit të figurës dhe etikës së gjyqtarit. Atë e ka ezauruar KED-ja pasi ka hapur dokumentet e klasifikuara dhe të gjithë anëtarët e KED ishin të pajisur më parë me certifikatë sigurie.

Kjo deri në këto momente është një dyshim. Dhe në rast se nuk është e vërtetë, ndaj Asim Vokshit duhet të kërkojnë ndjesë të gjithë, nga i pari tek i fundit, përfshi këtu Top Channel, apo dhe ne që po interpretojmë në emrin e tyre.

Në fakt, në rast se është e kundërta, Gjykata e Lartë dhe Këshilli i Emërimeve në Drejtësi janë përfshirë në një skandal mjaft të rëndë. Pasi kemi në trupën tonë gjyqësore një agjent të UDB-së, pikë së pari. Së dyti, kemi një kryetar të Gjykatës së Lartë që fsheh këtë dokument që një anëtar i Gjykatës Kushtetuese ka qenë bashkëpunëtor i shërbimeve.

Dhe për më tepër, rrugës në procesin e zgjedhjes, në etikë Sokol Sadushi e ka vlerësuar me pikë maksimale Asim Vokshin. Në etikë. Minimalisht në etikë do t'i binte dhe nuk do zgjidhej dot anëtar i Gjykatës Kushtetuese.

Përtej lojërave kush e do Naureda Llagamin, kush e do Asim Vokshin. Se duket qartazi që opozita e mbështet Asim Vokshin fort. Duket qartazi që mazhoranca ndoshta do Naureda Llagamin. Dhe duket sikur po përplasen të dy palët.

Por në fakt, e vërteta është se Sokol Sadushi, me këdo prej emërimeve që të bëjë, ka shkelur ligjin dhe është jo në prag të një skandali, por ka ezauruar një vepër penale, në rast se zbulohet dokumenti apo verifikohet nga struktura të tjera që Asim Vokshi ka qenë bashkëpunëtor i shërbimeve, siç aludohet apo dhe raportohet edhe në media./CNA





Lajmet e fundit nga