web counter
LEXO PA REKLAMA!

SHKARKO APP

App Store
Google Play

E fundit!

x

Kur Ylli Manjani bëhet maniak me SPAK-un

15 Tetor 2025, 11:09, Aktualitet CNA

Kur Ylli Manjani bëhet maniak me SPAK-un

Juristi Ylli Manjani ka ndarë një qëndrim lidhur me raportimin e djeshëm në Komisionin e Ligjeve të kreut të Prokurorisë së Posaçme, Altin Dumani.

Kur Ylli Manjani bëhet maniak me SPAK-un

Për Manjanin, shqetësimi kryesor që Altin Dumani paraqiti lidhur me veprimtarinë e SPAK-ut gjatë këtij viti ishte fakti që SPAK është gjendur shpesh nën presion politik dhe mediatik, si dhe fakti që prokurorët e SPAK-ut është mirë të kenë të drejtë të rikandidojnë më 2028, kur u mbaron mandati 11 prokurorëve.

Së pari, Manjani ngre disa të pavërteta mbi gënjeshtra, si rasti i shumë avokatëve që gënjejnë publikisht për të mbrojtur në gjykatë klientët e tyre.

Manjani thotë se kanë dalë përgjime dhe se SPAK-u ka për detyrë që t’i ruajë. Të gjitha përgjimet, në çdo rast që kanë dalë, edhe ato të Erion Valiajt kanë dalë kur ka shkuar në gjykatë.

Burimi nuk tregohet, por Ylli Manjani le ta dijë. Burimi i këtyrë të dhënave janë avokatët dhe kolegët e tij. Avokatët e Veliajt, po, nëse do ta dijë, janë edhe ata të përfshirë.

Mediat i morën dhe i administuan mirë e mirë përgjimet, pasi çështja shkoi në Gjykatë. Dhe në rast se Ylli Manjani nuk e di, bën mirë ta mësojë.

Shkon më tej dhe përmend gazetarët Elton Qyno dhe Artan Hoxha. Kontrollet, a nuk duhet të vendoste fronte SPAK-u? Po, ndoshta duhet të kishin qenë shumë më të kujdesshëm me veprimet ndaj gazetarëve.

Por pse duhet të gënjejë Ylli Manjani kur thotë se kush e arrestoi në mënyrë të paligjshme Thoma Gëllçin? A nuk e di Manjani se çështja e Thoma Gëllçit në Strasburg, ‘fitoren’ e ka vetëm për një pikë: shtyrjen e afateve të hetimit. Pra, Strasburgu thotë se arrestimi është i ligjshëm. Mbajtja 6 muaj në paraburgim është i ligjshëm, por shtyrja dhe kërkesa e prokurorit për disa muaj të tjerë për ta mbajtur në qeli dhe duke mos kryer asnjë veprim është e paligjshme dhe se ka shkelur të drejtat e Gëllçit.

Sa për intimidimin e gjykatave, që përmend Manjani, ai dhe avokatët e llojit të tij janë intimiduesit kryesorë. Ata janë palë në gjykatë, mbrojnë të akuzuarit, kriminelët, por dalin edhe nëpër ekrane. Bëjnë presione, gënjejnë, shpifin, sulmojnë, intimidojnë.

Manjani është një nga ata që ka intimiduar gjykatat, SPAK-un, që u ka bërë presion me daljet e tij mediatike, siç bën nëpër rrjetet e tij sociale duke gënjyer publikun.

Pra, këta që përpiqen të jenë politikanë, juristë, avokatë, njerëz publikë, krijojnë statuse dhe reagime publike mbi gënjeshtra dhe mashtrime. Nga inatet dhe mllefet e tyre. Aq më keq, kur në fakt, Ylli Manjani më shumë se një zë publik, është edhe avokat i një prej bandave kriminale që pasi të vrisnin, të pinin edhe kafenë, derdhnin edhe lot në vaki. Kështu bën edhe Ylli Manjani./CNA

 





Lajmet e fundit nga