web counter
LEXO PA REKLAMA!

SHKARKO APP

App Store
Google Play

E fundit!

x

"Nuk do të kandidoj"/ Dumani: Brenda një viti u mbaron mandati 11 prokurorëve, t'u jepet mundësia të rikandidojnë

14 Tetor 2025, 17:44, Aktualitet CNA

"Nuk do të kandidoj"/ Dumani: Brenda një viti u mbaron

Kreu i Strukturës së Posaçme, Altin Dumani deklaroi se pas përfundimit të mandatit si prokuror i posaçëm nuk do të rikandidojë.

Dumani ripërsëriti problematikën e paqartësisë së mandatit të prokurorëve dhe deklaroi se vetëm në një vit u mbaron mandati 11 prokurorëve dhe do të jetë e vështirë që të zëvendësohen.

Për kreun e SPAK kjo cenon edhe procesin hetimor.

"Rezultatet modeste janë produkt i punës së 20 prokurorëve dhe hetuseve të BKH.

Përsa i përket mandatit të prokurorëe të posaçëm kam qenë i zëshëm. Unë në fund të mandatit 9-vjeçar nuk do të rikandidoj e kam bërë këtë pakt me veten që në fillim.

11 prokurorëve u mbaron mandati brenda një viti, është e pamundur të zëvendësohen.

Problematikë tjetër është edhe cenimi i hetimeve sepse ka çështje që i ndjekin me vite dhe derisa të përshtatet një prokuror tjetër duhet kohë.

Të ishte për mua s’do ta kishit problematikën në tavolinë por është ajo çfarë më kanë referuar prokurorët.

Unë nuk them për rikonfirmim automatik, por duhet t’u jepet mundësia për të rikandiduar edhe me prokurorët e juridiksionit të përgjithshëm sepse mbase duhet parë nëse dikush duhet rikonfirmuar apo jo", tha Dumani./ CNA

 





Lajmet e fundit nga