web counter
LEXO PA REKLAMA!

SHKARKO APP

App Store
Google Play

E fundit!

x

"Nuk jemi as Tatimet dhe as Doganat"/ Dumani: Kemi marrë të pandehur një kryebashkiak dhe një tjetër nën hetim

14 Tetor 2025, 17:38, Aktualitet CNA

"Nuk jemi as Tatimet dhe as Doganat"/ Dumani: Kemi marrë të

Drejtuesi i Prokurorisë së Posaçme, Altin Dumani në raportimin e veprimtarisë së vitit 2024, në Komisionin e Ligjeve deklaroi se ndoshta shifrat nuk janë sipas pritshmërive.

Megjithatë, tha Dumani, SPAK ka bërë të gjitha veprimet e nevojshme hetimore.

Duke u ndalur te krimet hetimore, Dumani tha se në lidhje me këtë është marrë i pandehur një kryetar bashkie për korrupsio aktiv dhe një tjetër është nën hetim.

Dumani tha se SPAK ka verifikuar çdo pretendim të opozitës për krime zgjedhore dhe ka qenë në terren për verifikime sa herë është sinjalizuar.

Më tej, kreu i SPAK tha se institucionit që ai drejton nuk i lihet kohë për të hetuar pasi pas denoncimit, opozita e publikonte rastin në media.

“Kemi regjistruar 44 procedime penale. Mbeten nën hetim 38 procedime. Ndoshta nuk janë shifra që përmbushin pritshmëritë, por nga ana e SPAK janë bërë të gjitha veprimet e nevojshme hetimore për verifikime. Kemi marrë një kryetar bashkie të pandehur për korrupsion aktiv. Rast ku kemi parë njhë korrupsion masiv. Kemi nën hetim një kryebashkiak tjetër për korrupsion. Ne jemi 20 prokurorë që kemi detyrë të ushtrojmë ndjekje penale, nuk jemi  as Policia e Shtetit, as Tatime as Dogana. Kemi verifikuar çdo pretendim të opozitës, sa herë është sinjalizuar se SPAK duhet të jetë në terren. Në momentin që ju bëni një denoncim te SPAK, sa ndërtojmë punën për të hetuar rastin, shohim në media që në filan vend po blihen vota”, tha Dumani.





Lajmet e fundit nga