E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Raporti vjetor i SPAK-ut/ Dumani: Sekuestrimet arritën në 65.5 milionë euro, rritje me 21% të personave nën hetim

14 Tetor 2025, 16:28, Aktualitet CNA

Raporti vjetor i SPAK-ut/ Dumani: Sekuestrimet arritën në 65.5

Kreu i Prokurorisë së Posaçme, Altin Dumani po raporton sot para Komisionit të Ligjeve lidhur me veprimtarinë e SPAK-ut në vitin 2024.

Në fjalën e tij, Dumani u ndal te një sërë aspektesh, duke i lidhur edhe me rekomandimet e BE-së.

Dumani tha se gjatë vitit 2024, numri i prokurorëve u rrit nga 17 në 20, numri i çëshjeve nën hetim u rrit me 8% dhe me 21% numri i personave të hetuar.

Kreu i SPAK-ut shtoi se si rezultat i hetimeve paralele financiare, sekuestrimet arritën në 65.5 milionë euro, një rritje kjo me 60% të krahasuar me një vit më parë, që përfshijnë para në llogari bankare, transaksione dhe para në kriptovalutë

“SPAK ka përgatitur raportin për vitin 2024, që i është dërguar Kuvendit që në muajin mars 2025. Tashmë, raporti vjetor me të dhëna të detajuara është dorëzuar sipas afateve ligjore dhe në këtë raportim do të ndalem në disa pika kyçe. Gjatë vitit 2024, SPAK ka pasur në vëmëndje ndjekjen e rekomandimeve të BE-së, rezolutës së Kuvendit të Shqipërisë dhe rekomandimet e Këshillit të Ministrave në luftën kundër korrupsionit.

Sa i takon zbatimit të rekomandimeve, i pari parasheh dënimet për korrupsion. Gjatë vitit 2024, numri i prokurorëve u rrit nga 17 në 20, u shtuan ekspertizat dhe trajnimet ndërkombëtare. Kjo u reflektua me rritje në 8% të çështjeve nën hetim dhe me 21% të numrit të personave të hetuar. U shënua ulje me 15% të numrit të çështjeve të reja të regjistruara.

Sa i takon rekomandimit tjetër të hetimeve finacniare paralele, u standartizuan nga SPAK disa procedura dhe hetime, që u zhvilluan paraleleisht me hetimin penal. Si rezultat, sekuestrimet arritën në 65.5 milionë euro, një rritje kjo me 60% krahasuar me një vit më parë, që përfshijnë para në llogari bankare, transaksione dhe para në kriptovalutë.

Gjatë vitit 2024, u forcua bashkëpunimi me Europol, Eurojust, Interpol dhe agjencitë paralele europiane dhe amerikane. U krijuan 10 skuadra të reja hetimore. Rezultoi kyç në hetimet për trafikun e drogës dhe pastrimin e parave”,-tha Dumani./CNA