web counter
LEXO PA REKLAMA!

SHKARKO APP

App Store
Google Play

E fundit!

x

Ndeshja miqësore Shqipëri-Jordani/ Policia: Kufizohet qarkullimi në këto akse rrugore

14 Tetor 2025, 12:09, Aktualitet CNA

Ndeshja miqësore Shqipëri-Jordani/ Policia: Kufizohet qarkullimi

Policia e Tiranës ka dalë me një njoftim për rrugët që do të bllokohen ditën e sotme për mbarëvajtjen e ndeshjes miqësore të futbollit Shqipëri–Jordani.

Ndeshja do të luhet në orën 19:00, në stadiumin “Arena Kombëtare”, ndërsa bëhet me dije se kufizimet do të jenë në akset rreth stadiumit duke nisur nga ora 17:00. 

Njoftimi i policisë: 

Me qëllim ruajtjen e rendit dhe qetësisë publike, si dhe garantimin e mbarëvajtjes së ndeshjes miqësore së futbollit “Shqipëri–Jordani”, e cila do të luhet sot, në orën 19:00, në stadiumin “Arena Kombëtare”, do të ketë kufizime të përkohshme të qarkullimit, në disa akse rrugore përreth stadiumit.

Konkretisht, nga ora 17:00 deri në përfundim të ndeshjes, do të kufizohet qarkullimi në:

                •             Rrugën “Dervish Hima”;

                •             Rrugën “Gjergj Filipi”;

                •             Segmentin pranë Hotel “Marriott”, që lidhet me bulevardin “Dëshmorët e Kombit”,

                • rrugët anësore përreth stadiumit, përfshirë kahun nga Hotel “Sheraton”.

 

Policia e Tiranës kërkon mirëkuptimin e qytetarëve për të respektuar kufizimet, si dhe iu bën thirrje të shmangin lëvizjen me automjete, në këto akse.

Gjithashtu, apelon për tifozët dhe sportdashësit që do të ndjekin ndeshjen, t’iu binden udhëzimeve të punonjësve të Policisë, me qëllim mbarëvajtjen e aktivitetit dhe garantimin e sigurisë. /CNA





Lajmet e fundit nga