E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Ambasadori i OSBE-së në Tiranë, Tarran takon ministrin Lamallari/ Fokus te reforma në drejtësi dhe siguria

13 Tetor 2025, 17:18, Aktualitet CNA

Ambasadori i OSBE-së në Tiranë, Tarran takon ministrin Lamallari/

Ambasadori i OSBE-së në Tiranë, Michel Tarran zhvilloi sot një takim me Ministrin e Drejtësisë, Besfort Lamallari.

Siç bëhet me dije përmes një njoftimi, Tarran e përgëzoi Ministrin për emërimin dhe rikonfirmoi partneritetin e fortë në çuarjen përpara të reformave në fushën e drejtësisë dhe të sigurisë. Reforma në drejtësi ishte në qendër të bisedës.

Ambasadori Tarran theksoi rëndësinë e vijimit të reformës gjithëpërfshirëse të nisur më 2016, duke theksuar mbështetjen aktive të Prezencës së OSBE-së në këto përpjekje. Fushat kryesore përfshijnë: Strategjinë Ndërsektoriale të Drejtësisë 2024-2030, mbrojtjen e viktimave të krimit, rritjen e kapaciteteve të SPAK-ut dhe Gjykatave të Posaçme kundër Korrupsionit dhe Krimit të Organizuar, si edhe mbështetjen për Gjykatën Kushtetuese, Këshillin e Lartë të Drejtësisë, Inspektorin e Lartë të Drejtësisë, Ndihmën Juridike Falas dhe Shërbimin e Përmbarimit Gjyqësor Shtetëror.

Arresti në burg ishte një tjetër temë kyçe e diskutimit. Ambasadori Tarran vuri në dukje çështjen e përdorimit të tepruar të arrestit në burg në Shqipëri dhe riafirmoi angazhimin e Prezencës për të trajtuar këtë çështje në mënyrë gjithëpërfshirëse. Ai kujtoi angazhimin e gjatë të Prezencës në reformën penitenciare, përfshirë rolin e saj në krijimin dhe mbështetjen e Shërbimit të Provës, zhvillimin e legjislacionit dhe politikave, si edhe rritjen e kapaciteteve të stafit të burgjeve.

Ministri shprehu mirënjohjen për mbështetjen e vijueshme të Prezencës së OSBE-së ndaj institucioneve shqiptare, duke theksuar përvojën e tij personale si ish-zëvendësministër i Brendshëm. Ministri Lamallari riafirmoi, gjithashtu, angazhimin për bashkëpunim të mëtejshëm, përfshirë pjesëmarrjen në tryeza, diskutime dhe veprimtari të tjera të organizuara nga Prezenca.

Së bashku me autoritetet shqiptare dhe partnerët ndërkombëtarë synojmë të ndërtojmë një sistem drejtësie më transparent, të përgjegjshëm dhe efikas në Shqipëri./CNA