web counter
LEXO PA REKLAMA!

SHKARKO APP

App Store
Google Play

E fundit!

x

Komisioni i Ligjeve/ Kreu i ILD-së: Vrasja e gjyqtarit Kalaja ishte tronditëse për të gjithë

13 Tetor 2025, 11:53, Aktualitet CNA

Komisioni për Çështjet Ligjore dhe Administratën Publike po zhvillon sot seancën e radhës. Në seancën e sotme, kryetari i Inspektoratit të Lartë të Drejtësisë, Artur Metani, po raporton për veprimtarinë vjetore të ILD-së, për vitin 2024. Ai e nisi fjalën e tij me ngjarjen që tronditi opinionin publik pak ditë më parë, vrasjen e gjyqtarit Astrit Kalaja.

"Dua të vlerësoj rolin e Kuvendit për situatën e vështirë që kaluam dhe po kalojmë prej ngjarjes që ndodhi në fillim të javës së shkuar. Ajo që ndodhi ishte tronditëse për të gjithë. Dua të falënderoj Kuvendin për mbajtjen e një minuti heshtje. Në këtë raportim po paraqesim jo vetëm shifra, por një panoramë të problemeve të sistemit gjyqësor sot dhe problematikat që ne duhet të adresojmë", u shpreh Metani. 

Më tej gjatë raportimit të tij, ai tha se gjatë vitit të kaluar janë pranë ILD-së janë depozituar 1491 ankesa ndaj gjyqtarëve dhe prokurorëve, ndërsa 1363 ankesa ishin të mbartura nga vitet e mëparshme. Ai njoftoi se nga këto ankesa 1374 prej janë shqyrtuar. 

"Gjatë 2024 janë depozituar pranë ILD-së 1491 ankesa të reja ndaj gjyqtarëve e prokurorëve, 1363 ankesa të mbartura nga vitet e mëparshme. Nga 2854 ankesa, 1374 prej tyre janë shqyrtuar. Ankuesit ngrenë pretendime për vonesa në shpallje vendimi, mosvlerësim provash, vendimmarrje të padrejta nga magjistratët, për zvarritje të gjykimi nga gjykatësit. ILD ka nxjerrë nga ankesat 23 vendime për 25 magjistratë. ILD ka kryer dhe hetime pasurore. Për këtë vit janë 11 magjistratë të proceduar, 6 gjyqtarë dhe 5 prokurorë, për vonesa dhe zvarritje procesi, moszbatim i legjislacionit, përdorim i statusit të magjistratit për përfitim personal apo për të tjerët. Për 6 gjyqtarë është kërkuar shkarkim nga detyra, për dy është pranuar", tha Metani ndër të tjera. /CNA





Lajmet e fundit nga