web counter
LEXO PA REKLAMA!

SHKARKO APP

App Store
Google Play

Raporti vjetor për RTSH-në/ Hoxhalli: 228 milionë lekë për 84 çështje gjyqësore të largimeve nga puna

14 Tetor 2025, 10:37, Aktualitet CNA

Raporti vjetor për RTSH-në/ Hoxhalli: 228 milionë lekë

Kryetari i Këshillit Drejtues të Radio Televizionit Shqiptar, Fatjon Hoxhalli, raportoi sot para Komisionit për të Drejtat e Njeriut dhe Mjetet e Informimit Publik.

Në fjalën e tij, Hoxhalli u ndal te disa problematika brenda institucionit dhe ndau shifra që pasqyrojnë edhe situatën financiare të RTSH-së.

Ndër të tjera, Hoxhalli deklaroi se Radio Televizionit Shqiptar i kanë kushtuar 228 milionë lekë proceset gjyqësore ndaj të larguarve nga puna, teksa numri i rasteve në total shkon në 84 çështje gjyqësore.

“Kjo pjesë e raportit përshkruan jo vetëm programin, por edhe situatën financiare. Më 2024 zbatoi planin prej 3.24 miliardë lekësh. 10% e shpenzimeve erdhën nga të ardhurat e veta. Shpenzimet për personelin përbëjnë më pak se gjysmën e buxhetit.

Shuma ndaj proceseve gjyqësore për të larguarit nga puna është 228 milionë lekë dhe lidhen me 84 çështje gjyqësore.

Situata është e pamjaftueshme për të zbatuar koston e operimit.

Me inflacionin, çmimet janë ritur ndjeshëm dhe kjo ka sjellë një situatë kritike. Që prej marsit 2025, RTSH është detyruar të vazhdojë me plan për reduktimin jo vetëm financiar, por edhe shfrytëzimin e aftësive të burimeve njerëzore.

RTSH ka kaluar disa tentativa reformash. Secila ndërhyrje ka synuar të adresojë një problem real, por nuk kanë qenë brenda një vizioni të përgjithshëm”,-tha Hoxhalli./CNA





Lajmet e fundit nga