web counter
LEXO PA REKLAMA!

SHKARKO APP

App Store
Google Play

E fundit!

x

Kodi i ri Penal/ Çela: Kam opinion negativ, nuk jap dot përgjigje analitike për 900 dispozita

14 Tetor 2025, 13:19, Aktualitet CNA

Kodi i ri Penal/ Çela: Kam opinion negativ, nuk jap dot përgjigje

Deputeti socialist, Damian Gjiknuri, në seancën e sotme të Komisionit për Çështjet Ligjore, ka pyetur kryeprokurorin Olsian Çela për Kodin e ri Penal.

Në përgjigjen e tij, kryeprokurori tha se nuk ka refuzuar të bashkëpunojë në krijimin e draftit, por theksoi se është një kohë shumë e shkurtër për të realizuar atë që duhet. Ai theksoi gjatë fjalës së tij, se teknika e përdorur për të shkruar Kodin e ri Penal nuk është në lartësinë e duhur.

Kryeprokurori tha se mënyra më e mirë për të krijuar një Kod të ri Penal është krijimi i një grupi ndërinstitucional me më të mirët dhe me ekspertë vendas e të huaj. Por sipas tij, një përgjigje analitike për 900 dispozita nuk mund të jepet për dy ose tre muaj.

"Nuk thashë që refuzoj. Por refuzoj sot të flas për elementët e Kodit Penal. Teknika e përdorur për të shkruar Kodin nuk është në lartësinë e duhur. E dyta, shumë gjëra lidhen me politikën penale. Ne nuk jemi askush të përcaktojmë nëse një sjellje e caktuar është e dënueshme apo jo. Këtë e bëni ju. Unë mbajta qëndrimin që fryma e kodit është represive. Ne japim opinione, por është si e mendoj unë e si e mendoni ju.

Në 9 shtator ka ardhur drafti për diskutim zyrtarisht. Janë kryer disa tryeza konsultuese në disa rrethe. Në 10 tetor na ka ardhur një ftesë për një fjalë përshëndetëse. Ju vërtet mendoni se kjo bëhet për një muaj. Nëse doni të bëni një Kod serioz duhen edhe ekspertë të huaj. Por kjo do kohë. Nuk mund të japë dikush një mendim për 10-15 ditë.

Kjo ka nevojë për metodologji. Kjo nuk bëhet me tryeza në rrethe. Kështu që ose do të bëhet një proces serioz, duhet të mbledhim më të mirët që kemi, të ndërtojmë një grup ndërinstitcional dhe me ekspertë vendas e të huaj. Por nëse duhet bërë shpejt e shpejt e bëjmë. Qasja është e rëndësishme. Me gjithë opinionin negativ që kam unë për draftin dhe jo vetëm unë, hajde ta ribëjmë, por nuk bëhet për dy ose 3 muaj. Mënyra si po ecet nuk është korrekte. Nuk jap dot përgjigje analitike dhe të thelluar për 900 dispozita. Është e pamundur të jap një përgjigje", u shpreh Çela. /CNA





Lajmet e fundit nga