web counter
LEXO PA REKLAMA!

SHKARKO APP

App Store
Google Play

E fundit!

x

Drafti i Kodit Penal/ Olsian Çela, kundër: Teknika nuk është në lartësinë e duhur

14 Tetor 2025, 13:13, Aktualitet CNA

Drafti i Kodit Penal/ Olsian Çela, kundër: Teknika nuk

Kreu i Prokurorisë së Përgjithshme, Olsian Çela, ka folur për draftin e Kodit Penal.

Çela në Komisionin e Ligjeve është shprehur se ende nuk ka një informacion analitik për draftin e Kodit Penal.

Ai ka thënë se në mungesë të një analize të tillë sheh problemin e fillimit të konceptimit të nisjes së një procesi për Kodin Penal.

Sipas Çelës, kjo pikënisje përcakton metodologjinë mbi të cilën do të ngrihet puna për draftin e Kodit Penal.

Çela theksoi se në mungesë të një metodologjie nuk arrin dot të shohë një reflektim të nevojës së shoqërisë për një Kod të ri Penal.

Kryeprokurori nënvizoi se ka një problem në konceptimin e këtij drafti, pasi, sipas tij, teknika nuk është në lartësinë e duhur.

“Për çështejn e Kodit Penal kam bërë një qëndrim dhe qëllimi është parimor.

Nëse do të arrini të pyesni ata që janë prokurorë, gjyqtarë, që cilat janë problemet që kemi me Kodin Penal aktual.

Ende sot nuk kam një informacion analitik për Kodin Penal.

Kodi aktual ka gjetur zbatim dhe aplikohet pa probleme serioze nga gjykatat dhe prokuroritë.

Në mungesë të një analize të tillë shoh problemin e fillimit të konceptimit të fillimit të një procesi për Kodin Penal.

Kjo pikënisje përcakton metodologjinë mbi të cilën do të ngrihet puna për draftin e Kodit Penal.

Deri në 2024 hera e fundit që është raportuar nuk kemi raportuar për probleme serioze në Kodin Penal aktual.

Ne me ketë Kod Penal bashkëpunojmë me të gjithë partnerët.

Para se të nisë puna ka një vizion që ku do të shkojmë me këtë Kod Penal.

Nëse më ngarkoni të bëj një kod si jurist ky kod do të jetë vizion që ka Çela për kodin.

Jemi njohur me një draft në 2023-shin, nga një grup pune nga ministri i kohës dhe na është kërkuar të çojmë një përfaqësues të diskutojmë mbi draftin.

Në maj 2025 na është çuar për opinion zyrtarisht nuk kemi pranuar të japim një opinion mbi draftin se ishte e pamundur të realizohej një proces i tillë dhe kjo lidhet me atë që pyesin sa mund të bëjmë në procesin e konsultimit sa i përket draftit që është në dispozicion.

Nëse do të jepja një vlerësim, kam opinion, i cili ndikohet nga fakti që në mungesë të një metodologjie nuk arrij dot të shoh një reflektim të nevojës së shoqërisë.

Dy janë arsyetimet, që është i 95 dhe i dyti integriteti europian. Ne i kemi azhornuar kodet në bazë të integrimit europian, ka pasur nevojë për një përmirësim ku është e mundur. Të ndryshosh bazat e një kodi nuk është e lehtë. Kjo e bën shumë delikate dhënien e një opinioni.

Ka një problem në konceptimin e këtij drafti, teknika nuk është në lartësinë e duhur.

Unë e kam të pamundur të bëj një vështrim kritik mbi draftin, do të duhet të ngre një grup pune dhe të bëj një draft të ri për ta parë në mënyrë sistematike”, tha Çela./ CNA





Lajmet e fundit nga