web counter
LEXO PA REKLAMA!

SHKARKO APP

App Store
Google Play

E fundit!

x

"Niveli i rrezikut nga korrupsioni, i lartë"/ Dumani: Cenon integritetin e institucioneve dhe shtetin e së drejtës

14 Tetor 2025, 16:54, Aktualitet CNA

"Niveli i rrezikut nga korrupsioni, i lartë"/ Dumani: Cenon

Kreu i SPAK Altin Dumani në seancën dëgjimore në Komisionin e Ligjeve bëri një pasqyrë të përhapjes së kriminalitetit dhe nivelit të rrezikut që paraqet krimi sipas llojeve.

Dumani tha se rrezik të lartë paraqet pastrimi i parave dhe trafiku i narkotikëve, ndërsa një rrisk mesatar ka atrafiku i qenieve njerëzore por ndikon fshehtësia e kësaj veprimtarie.

"Kriminaliteti paraqet rrezik për shkak të sofistikimit.

Pastrimi i parave ka pësuar rritje progresive. Trafiku i narkotikëve ka një ulje të lehtë por mbetet rrezik.

Trafiku i qenieve njerëzore ka rrezik mesatar për shkak të fshehtësisë së operimit.

Kokaina sigurohet në vendet e Amerikës Latine në shtetë si Bolivia, Ekuadori.

Grupet janë aktive në Tiranë, Durrës, Elbasan, Vlorë", tha Dumani.

Përsa i përket korrupsionit Dumani tha se hetimi i tij duhet të jetë prioritet kombëtar sepse rreziku mbetet i lartë.

Kreu i SPAK tha se korrupsioni cenon integritetin e institucioneve dhe shtetin e së drejtës. Dumani tha se ndikimi i paligjshëm është aktiviteti më i shpeshtë i korrupsionit.

"Treguesit tregojnë rritje të hetimit, vetëm 5.9% janë kërkuar të pushohen, 1% janë pezulluar, 67% vijojnë të jenë nën hetim.

Niveli i rrezikut për korrupsionin ngelet i lartë, cenojnë integritetin e institucioneve.

Ushtrimi i ndikimit të paligjshëm mbetet në nivel mesatar rrezikur dhe ështe aktiviteti më i shpeshtë.

Në tërësi panorama e korrupsionit përbën rrezik në integritetin e institucionit dhe shtetit të së drejtës, duhet të jetë prioritet shtetëror", tha kreu i SPAK./CNA





Lajmet e fundit nga