E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Raporti për vitin 2024/ Dumani: Numri i të paraburgosurve nga SPAK përbën vetëm 9.7%

14 Tetor 2025, 16:40, Aktualitet CNA

Raporti për vitin 2024/ Dumani: Numri i të paraburgosurve nga SPAK

Kreu i Prokurorisë së Posaçme, Altin Dumani ka raportuar në Komisionin e Ligjeve për veprimtarinë e vitit 2024 të institucionit që ai drejton.

Dumani në paraqitjen e të dhënave, tha se SPAK ka përmbushur të gjitha rekomandimet e Bashkimit Europian dhe Këshillit të Ministrave.

Duke u ndalur te shifrat konkrete, kreu i SPAK deklaroi se sa u përket të paraburgosurve, vetëm 9.7% e totalit janë të paraburgosur nga Prokuroria e Posaçme.

Më tej, Dumnai u ndal dhe te numri i të burgosurve nga SPAK, për të cilët tha se janë 9.5% e totalit.

Kreu i SPAK deklaroi se gjatë vitit 2024, Prokuroria e Posaçme caktoi masën e dalimit të ushtrimit të funksioneve publike për 53 persona fizikë dhe juridikë.

Më tej, duke u ndalur te ekstradimet, Dumani bëri me dije se gjatë vitit 2024, SPAK ka dorëzuar në Ministrinë e Drejtësisë 41 kërkesa për ekstradime nga jashtë vendit drejt Shqipërisë.

Në lidhje me numrin e çështjeve të përfunduara nga Prokuroria e Posaçme, Dumani tha se në vitin 2024 kishte një rritje me 13%, krahasuar me një vit më parë.

“Hetimi i krimeve zgjedhore, në janar 2025 SPAK miratoi strategjinë e parandalimit të krimeve zgjedhore. Nga janari 2025 ka filluar në masën 85% sistemi i menaxhimit të çështjeve. Sistem ky i financuar nga BE.

SPAK ka përmbushur të gjtha detyrimet referuar kapitujve 23 dhe 24 të BE. SPAK ka zbatuar me efektivitet rekomandimet e Këshillit të Ministrave. 33 zyrtarë të lartë të proceduar. SPAK ka intensifikuar përdorimin e teknikave proaktive të hetimit. Janë rritur heitmet financiare dhe konfiskimet në vlerën 66.5 mln euro. Numri i çështjeve për trafikimin e narkotikëve në kuadrin e grupit të strukturuar kriminal është rritur me 3.3%. Një rritje me 9.7% e procedimeve penale të reja, krahasuar me një vit më parë.

Gjatë 2024 u regjistruan 9 çështje të reja për terrorizëm, nga të cikat 1 u dërgua në gjykatë. Sa i përket pasurive të konfiskuara, janë në vlerën 65.5 milionë euro, rritje 59.7% me vitin paraardhës. Këto të dhëna tregojnë një rritje në efektivitetin e hetimive të Prokurorisë së Posaçme, me hetime të hapura dhe të mbyllura.

Numri i të paraburgosurve nga SPAK përbën vetëm 9.7% të totalit. Numri i të burgosurve nga SPAK përbën vetëm 9.5% të totalit. Sa i përket korrupsionit, masa "Arrest në burg" është caktuar për 35 persona, 13.5% e personave që vuajnë këtë masë. Vihet re një prirje drejt masave alternative, si arrest shtëpie apo detyrim paraqitje. Është dhënë masa ndalim i ushtrimit të funksionit publik për 53 persona fizikë dhe juridikë. Për vitin 2024, janë transmetuar 41 kërkesa pranë Ministrisë së Drejtësisë për ekstradim nga jashtë vendit në Shqipëri. Numri i çështjeve të përfunduara nga SPAK u rrit me 13%, krahasuar me një vit më parë. Një përqindje e vogël e çështjeve është transferuar, pezulluar apo pushuar. Niveli i realizimit të fondeve është përmirësuar ndjeshëm”, raportoi kreu i SPAK.