web counter
LEXO PA REKLAMA!

SHKARKO APP

App Store
Google Play

Qendra e Bashkëpunimit Ndërfetar: Bekuar qofshin paqedashësit, një dritë shprese nga Sharm el‑Sheikh

14 Tetor 2025, 21:58, Aktualitet CNA

Qendra e Bashkëpunimit Ndërfetar: Bekuar qofshin paqedashësit,

Qendra e Bashkëpunimit Ndërfetar ka bërë një deklaratë për mediat në lidhje me marrëveshjen e paqes në Gaza.

Në deklaratën e bërë, Qendra e Bashkëpunimit Ndërfetar shkruan se kjo marrëveshje të jetë themeli i një epoke paqeje.

Më tej, në deklaratë vlerësohet dhe roli i presidentit Trump dhe thuhet që roli i tij të njihet si kontribut historik.

 

Njoftimi për mediat

Dje në Sharm el?Sheikh u finalizua një marrëveshje historike që mbështet planin e paqes të propozuar nga Presidenti Donald Trump, e cilësuar nga shumë si një gur kilometrik drejt stabilitetit në rajon. Marrëveshja është firmosur nga katër liderë kryesorë – mes tyre Trump si iniciator – dhe përfshin përkushtime për ndalim të përleshjeve dhe për fillimin e procesit të ndërmjetësimit ndërkombëtar.

Ky akt nënvizoi përpjekjen ndërkombëtare për ta bërë realitet paqen, dhe thekson se ky status nuk është thjesht një dokument simbolik, por reflektim i lidershipit aktiv dhe vizionar të një prej palëve kryesore në proces.

Bekuar qofshin paqedashësit,

së bashku me paqebërësit,

së bashku me paqeruajtësit.

 

Bekuar qofshin ata që, mes errësirës, nuk e shuajnë dritën e shpirtit.

Ata që nuk lodhen së luturi për mirësi

dhe që mbjellin dashuri aty ku ka dhimbje.

 

Bekuar qofshin ata që ndalin dorën e dhunës,

që përkulin kokën për t’u lutur

e që ngrejnë zemrën për t’falur.

Ne lutemi që ky dokument të mos mbetet vetëm fjalë, por të jetë themeli i një epoke të re ku zëri i paqes mbivaçëron zërat e urrejtjes. Dhe veçanërisht, që roli i Presidentit Trump — i cili vendosi këtë marrëveshje në qendër të dialogut ndërkombëtar — të njihet si një kontribut historik për ndërtimin e së ardhmes./CNA





Lajmet e fundit nga