web counter
LEXO PA REKLAMA!

SHKARKO APP

App Store
Google Play

Dumani: Çështja e abuzimit me fondet e BE është në hetim/ "Nuk njoh një çështje me emrin 'Aruba'"

14 Tetor 2025, 18:44, Aktualitet CNA

Dumani: Çështja e abuzimit me fondet e BE është në

Kreu i SPAK, Altin Dumani gjatë raportimit në Komisionin e Ligjeve, i pyetur nga deputetja e Partisë Demokratike, Elda Hoti mbi fondet e IPARD-it që u shpërndanë te familjarët e zyrtarëve të lartë apo të anëtarevë të krimit të organizuar tha se çështja është nën hetim dhe se nuk mund të ndajë më shumë informacion.

Dumani tha se ka zhvilluar takim me drejtoreshën e OLAF për çështjen dhe se për këtë rast dhe të tjerë të ngjashëm ka bashkëpunim me zyrën e Prokurorit Publik Europian.

Kreu i SPAK deklaroi se institucioni është në gjendje të mbrojë fondet e BE-se në kuadër të inegrimit.

"Drejtoreshën e OLAF e kisha në zyrë dhe në takimin që kisha shprehur vlerësimin për bashkëpunimin. Bashkëpunimi ka qenë për çësrthje të ndryshme që dyshohet se janë keqpërdorur fonde nga administrate shqiptare.

Çështja është në fazën e hetimit dhe kur të vijë koha do tju informojmë publikisht, tani s’mund të them asgjë.

Vetëm në vitin 2024 kishim 4 raste bashkëpunimi me zyrën e Prokurorit Publik Europian për shpërdorim të fondeve të BE-së. SPAK në një rast, në ditën e aksionit ka ndihmuar zyrën e prokurorit dhe ka sekuestruar pasuri në Tiranë dhe Durrës.

Ka zyrtarë të lartë të arrestuar apo nën hetim.

SPAK është në gjendje të mbrojë fondet e BE-së në bashkëpunim me OLAF", tha Dumani.

 

Në lidhje me çështjen “Aruba” Dumani deklaroi se nuk njeh asnjë dosje të tillë dhe nuk ka asgjë për të ndarë me Kuvendin.

 

"Unë nuk njoh një çështje me emrin Aruba dhe nuk kam asgje për të ndarë me Kuvendin dhe me ju".

 

Përsa i përket interesit të opozitës për çësthjen e rindërtimit kreu i SPAK tha se nuk mban mend nëse ka një procedim dhe se përgjigjen do ta dërgojë pas një shkrese.

 

"Nuk kam informacion nëse ka një procedim penal për këtë çështje sepse janë shumë çështje. Nëse jeni e interesuar bëni një shkresë zyrtare", deklaroi kreu i SPAK./CNA

 

 

 





Lajmet e fundit nga