web counter
LEXO PA REKLAMA!

SHKARKO APP

App Store
Google Play

Një sqarim për një mashtrim publik/ Vendimi me dy drejtime i Gjykatës Kushtetuese

29 Maj 2026, 14:29, Editorial CNA

Dje, Gjykata e Lartë ka dhënë një vendim dhe ka thënë që Erion Veliaj duhet të qëndrojë në burg.

Por menjëherë mediat e Veliajt, disa si mashtrues me pagesë thanë se ky vendim nuk kishte lidhje me atë që kishte thënë Gjykata Kushtetuese, pasi do të ketë një kërkesë tjetër dhe një vendim tjetër të Gjykatës së Lartë.

Për të gjithë ata që lexojnë, Gjykata Kushtetuese ka dhënë dy drejtime në vendimin e saj.

E para, Gjykata e Lartë të thotë pse duhet të mbahet në burg një kryetar bashkie, ka apo s’ka imunitet?! Këtë çështje e përcakton mjaft mirë ligji dhe Gjykata Kushtetuese e ka hedhur thjesht topin te Sokol Sadushi, te njeriu i Mero Bazes që ngriti stekën se me vendim të ri unifikues do të zbrazte burgjet  e nxirte Veliajn. Në fakt burgjet nuk i ka mbushur SPAK dhe nuk janë plot sepse është Erion Veliaj brenda, burgjet i mbush policia dhe Prokuroritë e Rretheve me fakirë, fukarenj.

Mero Baze si mashtrues, doli dje na tha se Gjykata e Lartë, do të shprehet. Për çfarë? Pse është në burg një kryetar bashkie?

E ka përcaktuar ligji; kryetari i bashkisë nuk ka imunitet. Gjykata e Lartë pikërisht pse Kushtetuesja e mbajti në detyrë si kryetar bashkie duhet ta mbajë në burg, sepse i lirë në detyrë prish provat dhe kjo është e faktuar. Pa folur për dëshmitarët dhe presionin e mundshëm ndaj tyre.

Një kryetar bashkie kur kapet në vepra të rënda penale, në korrupsion dhe e ka provuar jo thjeshtë dhe vetëm për brekët e gruas por për 850 mijë euro të firmosura të dhëna nëpërmjet OJF-ve të Ajola Xoxës bashkëshortes. Pa folur për të tjerat.

Gjykata e Lartë duhet të shprehet dhe t’i përgjigjet Gjykatës Kushtetuese dhe t’i argumentojë pse duhet të rrijë në burg një kryetar bashkie, kur të gjithë e dinë që nuk ka imunitet e përcakton mirë ligji dhe kushtetuta.

Nuk është vetëm Erion Veliaj që është në burg, ka qenë kryebashkiaku i Lushnjes, është rasti i Jorgo Goros, është rasti i kryebashkiakut të Bulqizës, është dhe rasti i Fredi Belerit, që vetë Gjykata Kushtetuese kur ky i fundit iu drejtua dhe i tha jam në detyrë duhet të shkoj të betohem, nuk e la Gjykata Kushtetuese, i tha do rrish atje në qeli. Këto janë faktet.

Çfarë do të thotë Gjykata e Lartë? Që ligji thotë që kryetari i bashkisë nuk arrestohet? Po a është po kjo Gjykatë e Lartë, a janë 7 vendime të ndryshme gjykatash që e mbajnë në burg Erion Veliajn? Po ç’të thonë të mjerët e paguar për të mashtruar.

E sa për çështjen e kafazit ajo është një histori e mbyllur dhe një broçkull që i vijnë vërdallë, duke luajtur me parimin se kur një budalla hedh një gur në lumë dhe një tufë me të mençur nuk e nxjerrin dot.

 

Në fakt s'ka nevojë për shumë mençuri se ka vendime të Gkykatës Europoiane të të Drejtave të NJeriut për atë çështje.

Në fakt ajo është një gjë që nuk e liron dot Erion Veliajn nga burgu. As proporcionaliteti i shpresuar i tyre se është kryetar bashkie, me teorinë se po të jesh i akuzuar me 5 vepra të rënda penale dhe 13 herë, duke qënë në krye të bashkisë mund të shpëtosh dhe nuk mund të arrestohesh.

Erion Veliaj ndodhet në qeli me 7 herë vendime gjykatash me argumente dhe fakte të dhëna nga prokurorët dhe provat të cilat tregojnë se Erion Veliaj duhet të qëndrojë në qeli me apo pa mashtrimet me pagesë të Mero Bazes, apo të mjerëve të tjerë./ CNA

 





Lajmet e fundit nga