web counter
LEXO PA REKLAMA!

SHKARKO APP

App Store
Google Play

Gjykata e Lartë rrëzon rekursin/ Erion Veliaj ngelet në burg

28 Maj 2026, 14:34, Aktualitet CNA

Gjykata e Lartë ka vendosur të lërë në burg kryebashkiakun e arrestuar të Tiranës Erion Veliajn me 13 akuza për 5 vepra të rënda penale.

Gjykata e Lartë ka rrëzuar rekursin e Veliajt për zëvendësimin e masës së sigurisë arrest me burg dhe ka lënë në fuqi vendimin nr. 53 (87_2026_68) datë 24.02.2026 të Apelit të GJKKO-së.

Burime zyrtare nga Gjykata e Lartë bëjnë me dije se kjo e fundit vendosi ta lërë në burg Veliajn edhe pas vendimit të fundit të Gjykatës Kushtetuese, ku ia pasoi topin Gjykatës së Lartë për kërkesën e kryebashkiakut.

Mediat e kryebashkiakut thanë se Veliaj do të lirohej, por Gjykata e Lartë tregoi që ka integritetin e saj dhe mbi fakte dhe prova vendosi që Erion Veliaj të qëndronte në burg.

Kryebashkiaku i arrestuar i Tiranës Erion Veliaj është nën akuzë për 5 vepra të rënda penale si korrupsion, shpërdorim detyre, pastrim i produkteve të rënda penale, fshehje të pasurisë dhe futja e sendeve të ndaluara në qeli.

SPAK ka kopsitur dosjen me 13 akuza për Veliajn dhe e ka dërguar në gjykatë ku kryebashkiaku si një frikacak nuk shkon të përballet me faktet dhe provat por i zvarrit proceset gjyqësore duke përdorur taktika të ndryshme.

Tashmë Gjykata e Lartë e tha fjalën e saj në lidhje me Erion Veliajn duke e lënë sërish në burg.

Kujtojmë se, Gjykata e Lartë e ka lënë në burg në seancën e 8 korrikut, duke lënë në fuqi masën e vendosur nga gjykata atë të arrestit me burg./ CNA





Lajmet e fundit nga