web counter
LEXO PA REKLAMA!

SHKARKO APP

Operacioni i SPAK me Antimafian e Barit/ GJKKO cakton masat e sigurisë për të arrestuarit

28 Maj 2026, 12:16, Aktualitet CNA

Operacioni i SPAK me Antimafian e Barit/ GJKKO cakton masat e sigurisë

Personat e arrestuar në kuadër të operacionit të zhvilluar mes Prokurorisë së Posaçme dhe Antimafias së Barit kanë dalë sot para Gjykatës së Posaçme për verifikimin e masave të sigurisë.

GJKKO ka lënë në “arrest në burg” tre persona, konkretisht Edi Brahajn, Ergys Kastratin, Saimir Pirrën. Ndërkohë është lënë në arrest shtëpie Dritan Buzi dhe në detyrim paraqitje shtetasi Lefter Nelaj.

Ndërkohë në Itali janë ekzekutuar masat e sigurisë për Igli Kamberin, drejtuesin e grupit kriminal të goditur dhe 4 shtëtasit I.K., B.GJ. dhe S.F..

Hetimet u përqëndruan në zbulimin e vrasjes së Francesco Diviesti-t, ngjarje e ndodhur më 25 Prill të vitit 2025, në Canosa di Puglia, në jug të Italisë dhe të një organizate kriminale shqiptare, me bazë në Tiranë, të përfshirë në trafikun ndërkombëtar të drogës dhe pastrimin e produkteve të veprës penale, nga Italia në Shqipëri.

Të arrestuarit në Shqipëri dhe Itali akuzohen për “Vrasje me paramendim, e kryer duke përdorur metoda mafioze të ekzekutimit”, “Tentativë zhvatjeje”, “Posedim dhe mbajtje e paligjshme e armëve të zjarrit dhe municioneve”, “Favorizim personal”, “Shkelje të masave parandaluese personale” dhe “Pastrim ndërkombëtar i produkteve të veprës penale nga Italia në Shqipëri”. /CNA





Lajmet e fundit nga