web counter
LEXO PA REKLAMA!

SHKARKO APP

App Store
Google Play

E fundit!

x

Frikacaku që shmang GJKKO, kërkon lirinë në Gjykatën e Lartë/ Sot seanca për Veliajn

28 Maj 2026, 08:27, Aktualitet CNA

Kryebashkiaku i arrestuar i Tiranës Erion Veliaj, me 13 akuza për 5 vepra të rënda penale ka bërë rekurs në Gjykatën e Lartë, ku ka kërkuar zëvendësimin e masës së sigurimit "Arrest në burg" me një masë sigurimi më të butë si "Garanci pasurore" ose "Detyrim për t'u paraqitur në policinë gjyqësore".

Gjykata e Lartë do ta shqyrtojë sot rekursin e depozituar nga kryebashkiaku i arrestuar Erion Veliaj.

Kjo lëvizje vjen në një kohë kur qëndrimi i tij ndaj proceseve gjyqësore po shfaq një kontrast të fortë dhe një strategji që duket si lojë procedurale.

Veliaj ka zgjedhur të mos paraqitet në seancat e Gjykatës së Posaçme, ku po zhvillohet procesi penal kundër tij, si një frikacak që ka frikë të përballet me drejtësinë, faktet dhe provat e gjetura nga prokurorët që e kanë kapur në korrupsion, shpërdorim detyre, pastrim të produkteve të veprës penale, fshehje të pasurisë dhe futje të sendeve të ndaluara në qeli, por merr pjesë personalisht në gjyqet që i përdor si sulm ndaj drejtësisë dhe prokurorëve.

Nga njëra anë, ai kërkon zbutjen e masave shtrënguese në Gjykatën e Lartë, por nga ana tjetër shmang përballjen direkte në GJKKO me faktet dhe provat voluminoze që janë dërguar në gjykatë.

Kujtojmë se Erion Veliaj është lënë në burg nga të gjitha nivelet e gjykatave në vend.

Edhe Gjykata e Lartë në korrik të vitit të shkuar e la kryebashkiakun në burg, për 13 akuzat penale që rëndojnë ndaj tij.

Kujtojmë se nuk ka asnjë ndryshim nga faktet dhe nga provat, apo rrethana lehtësuese për kryebashkiakun e Tiranës, që mund të ndryshojë situatën ligjore të Erion Veliajt, i cili ndodhet në burgun e Durrësit për 13 akuza për 5 vepra të rënda penale./ CNA





Lajmet e fundit nga