web counter
LEXO PA REKLAMA!

SHKARKO APP

App Store
Google Play

Vendimet e Gjykatës së Lartë/ Ku ndryshon rasti “Veliaj” nga rasti “Karçanaj”

28 Maj 2026, 17:18, Aktualitet CNA

Vendimet e Gjykatës së Lartë/ Ku ndryshon rasti

Në shumë medie, kryesisht ato të paguara nga inceneratorët, njerëzit e paguar nga vëllai i Erion Veliajt, Arbër Veliaj, njerëzit e pushtetit, kryesisht Mero Baze, Carlo Bollino, por dhe në tallavatë e tjera të ekraneve u artikulua nga pseudoanalistë “të pavarur” se Erion Veliaj do të dilte nga burgu ditën e sotme me vendimin e Gjykatës së Lartë.

“Mund ta lënë në arrest shtëpie, se po e lanë në detyrim paraqitje, prokuroria thotë do na prishë provat. Po s’ka ça prova të prishë se janë mbledhur të gjitha.  Nga ato përcaktime që u bënë në praktikën e unifikuar ka disa qëndrime që mund ta zbusin masën e Veliajt në ditët në vijim”, është shprehur Ervin Karamuço në një dalje televizive.

 

Madje Mero Baze, në publikimet e tij e quan fitore për Erion Veliajn, vendimin e Kushtetueses, më 25 maj.

Vendimet e Gjykatës së Lartë/ Ku ndryshon rasti

 

 Në të njëjtën linjë u shpreh sot përpara seancës dhe avokati Kujtim Cakrani, i cili u shpreh i bindur se Veliaj sot do të dilte nga qelia.

“Nëse Gjykata e Lartë i qëndron vendimit që ka marrë në Kolegjet e Bashkuara, Veliaj sot duhet të jetë në shtëpi. Sot duhet të tregojë që e ka pasur seriozisht vendimin”, tha Kujtim Cakrani te Top News.

 

Ndërsa gazetari Arsen Rusta në një artikull në web-in e tij, përpara seancës së sotme në Gjykatën e Lartë shprehej se Veliaj ishte drejt lirimit.

Vendimet e Gjykatës së Lartë/ Ku ndryshon rasti

 

I bindur për lirinë e Veliajt është shprehur dhe avokati pa licencë Idajet Beqiri, i cili ka deklaruar se Gjykata e Lartë pas vendimit të Kushtetueses është e detyruar ta lirojë Veliajn.

 

“Gjykata Kushtetuese e ka quajtur antikushtetues vendimin e Shkallës Parë, Apelit dhe Gjykatës së Lartë për masën e sigurisë ndaj Veliajt. Gjykata e Lartë është e detyruar të prishë vendimin e Apelit dhe Apeli është i detyruar të zbatojë vendimin e Kushtetueses, masa e tij do të hiqet dhe s’do jetë më në burg”, tha Idajet Beqiri 25 maj te Reporti.

 

Të gjithë këta njerëz që dalin dhe shprehen të bindur se Velliaj do të lirohet nga qelia dhe e "shesin" vendimin e Kushtetueses si fitore të kryebashkiakut, dalin dhe flasin në mediat e pushtetit dhe propagandës.

Ishin të paktë zërat që shihnin me gjakftohtësi dhe thoshin: për çfarë arsye? Një vendim unifikues apo një vendim i Gjykatës Kushtetuese, i cili në fakt në të dyja arsyetimet e bëra publikisht, te i pari na thotë se shkarkimi i Veliajt ishte i padrejtë se nuk u dëgjua, por detyra e kryetarit të bashkisë vazhdon të ushtrohet sepse ai ka deleguar kompetencën, tek e dyta i thotë Gjykatës së Lartë, tani argumento ti pas vendimit unifikues, pse duhet mbajtur në burg Erion Veliaj.

Në fakt sot Gjykata e Lartë e la në burg kryebashkiakun Erion Veliaj, i cili përpiqet të shpëtojë me skema dhe skenarë të ndryshëm. Por me sa duket ligji është një për të gjithë dhe Erion Veliaj mbahet në burg me 13 akuza të rënda penale dhe me një fakt shumë të rëndësishëm, duke qenë në detyrë ai prish provat.

Shumë juristë, avokatë, ish-gjyqtarë apo ish-prokurorë e kanë theksuar këtë dhe publikisht duke sqaruar se në rast se Erion Veliaj do të kishte një tërheqje nga detyra si kryetar bashkie, SPAK do ta kishte shumë të vështirë për të argumentuar mbajtjen e tij në burg dhe kjo do ta çonte në gjendje të lirë. Pasi duke ushtruar detyrën ai ka prishur provat dhe kjo është provuar, siç janë faktet e Klotilda Bushkës në më shumë se një rast.

 

Ku ndryshon rasti “Erion Veliaj” nga rasti “Karçanaj”?

Gjatë javëve të fundit, vendimi i Gjykatës së Lartë, më datë 7 maj, për ndryshimin e masës së sigurisë, nga “Arrest shtëpie” në “Detyrim paraqitje”, për ish-drejtoreshën e AKSHI-t, Mirlinda Karçanaj, u përdor.  Ky vendim u përdor nga mediet e kryebashkiakut dhe njerëzit e “bulevardit” të tij mediatik dhe ata të kanaleve kulluese të ujërave të bardha, por dhe ata të ujërave të zeza që u mungon dhe burrëria apo karakteri që t’i dalin për zot pronësive të medieve të tyre.

Gjobaxhinjtë të sponsorizuar dhe nga vëllai i kryebashkiakut Veliaj, Arbër Veliaj. Të gjithë këta dolën me një tezë: Meqenëse Mirlinda Karçanaj pati një ndryshim të masës së sigurisë, nga “Arrest shtëpie” në “Detyrim paraqitje” dhe ndaj kryebashkiakut Veliaj do të ndryshohej masa e sigurisë nga “Arrest me burg” në “Arrest shtëpie”, megjithëse ai kishte kërkuar “Detyrim paraqitje” për të ushtruar detyrën.

Argumente tallava mediatike, kanalet e ujrave të zeza që përzihen me ujërat e bardha, të sponsorizuar, militantë, injorantë, infantilë, të gjithë së bashku, zdromsa, këllira mediatike, të mbledhur, të përdredhur thanë se sot ishte dita e shpëtimit për kryebashkiakun e Tiranës.

4 pikat

Në fakt këtë e argumentonin më shumë dhe me vendimin e dhënë për Mirlinda Karçanajn. Po ku ndryshon?

Janë katër pika ku ndryshon çështja e Erion Veliajt me çështjen e Mirlinda Karçanajt dhe pse vendimi i gjykatës është i ndryshëm në rastin e ish-drejtoreshës së ASKHI-t.

Së pari, ish-drejtoresha e ASKHI-t nuk është në detyrë, por është larguar nga funksioni i saj dhe nuk rrezikon provat. Ndërsa Erion Veliaj vazhdon të qëndrojë në detyrë. Pikë kjo që sjell dhe ndryshimin e dytë, atë të prishjes së provave.

Është e faktuar se Erion Veliaj  prish provat, në më shumë se sa një rast. Veliaj është në detyrë dhe prish provat, Karçanaj nulk është në detyrë dhe nuk i “helmon” dot provat.

Së treti, zonja Karçanaj është nënë e vetme, me fëmijë dhe i është dhënë një masë lehtësuese. Ndërsa Erion Veliaj nuk është prind i vetëm, përkundrazi gjatë kohës që ndodhet në qeli, bashkëshortja e tij është shtatzënë tashmë dhe pret një fëmijë tjetër.

Së katërti Erion Veliaj ka 13 akuza të rënda penale, Mirlinda Karçanaj i ka shumë më të pakta akuzat, ndryshe nga kryetari i Bashkisë së Tiranës, i cili në fakt duhej marrë nën akuzë dhe si pjesë e një grupi të strukturuar kriminal ashtu siç rekomandonte gjykata në rastin e Elman Abules.

Por me sa duket Ols Dado, i shumakuzuari nga mediet e Veliajt dhe Altin Dumani duket se paskan qenë më të butë se sa thuhet në publik./CNA

 





Lajmet e fundit nga