web counter
LEXO PA REKLAMA!

SHKARKO APP

App Store
Google Play

Dosja "AKSHI"/ Gjykata e Lartë ndryshon masën e sigurisë për Mirlinda Karçanajn

7 Maj 2026, 15:57, Aktualitet CNA

Dosja "AKSHI"/ Gjykata e Lartë ndryshon masën e

Gjykata e Lartë ka ndryshuar masën e sigurisë për ish-drejtoreshën e AKSHI-t, Mirlinda Karçanaj.

Nga masa e arrestit shtëpiak, Gjykata e Lartë ka vendosur detyrim me paraqitje dhe ndalim të daljes jashtë vendit për Karçanajn. 

Njoftimi

1. Lënien në fuqi të vendimit nr. 4 (87-2026-50) datë 05.02.2026 të Gjykatës së Posaçme të Apelit për Korrupsionin dhe Krimin e Organizuar për sa i përket disponimit në lidhje me rekursuesit Erjon Ismaili dhe Gëzim Hoxha.

2. Ndryshimin e vendimit nr. 4 (87-2026-50) datë 05.02.2026 të Gjykatës së Posaçme të Apelit për Korrupsionin dhe Krimin e Organizuar në lidhje me rekursuesen Mirlinda Karçanaj.

a. Caktimin e masës së sigurimit “Ndalimi i daljes jashtë shtetit”, parashikuar nga neni 233 i Kodit të Procedurës Penale, duke u urdhëruar personi nën hetim Mirlinda Karçanaj të mos largohet nga territori i Republikës së Shqipërisë pa autorizimin e gjykatës.


b. Caktimin e masës së sigurimit “Detyrimi për t’u paraqitur në policinë gjyqësore” parashikuar nga neni 234 i Kodit të Procedurës Penale, duke u urdhëruar personi nën hetim Mirlinda Karçanaj të paraqitet pranë policisë gjyqësore, të martën e parë dhe të tretë të çdo muaji ora 10:00.

3. Ngarkohet Prokuroria e Posaçme kundër Korrupsionit dhe Krimit të Organizuar me ekzekutimin e këtij vendimi./ CNA





Lajmet e fundit nga