web counter
LEXO PA REKLAMA!

SHKARKO APP

App Store
Google Play

Dekriminalizimi/ Sadushi injoroi verifikimin e kandidatëve për Kushtetuesen, prokuroria: KED nuk solli dokumente

7 Maj 2026, 13:34, Aktualitet CNA

Dekriminalizimi/ Sadushi injoroi verifikimin e kandidatëve për

Prokuroria e Përgjithsme ka dorëzuar në Kuvend raportin mbi gjendjen e kriminalitetit për vitin 2025.

Raport i cili zbulon një skandal të rëndë për Këshillin e Emërimeve në Drejtësi, atë kohë i drejtuar nga kreu aktual i Gjykatës së Lartë, Sokol Sadushi.

Në raport, Prokuroria e Përgjithshme thotë se Këshilli i Emërimeve në Drejtësi nuk ka kryer verifikim të plotë të dekriminalizmit për 12 kandidatura të Gjykatës Kushtetuese.

“Është kërkuar verifikimi i të dhënave të vetëdeklaruara në formular sipas këtij ligji, organi kompetent, pra pala kërkuese dhe pas njoftimit me shkrim nga Prokuroria e Përgjithshme, nuk plotësoi të metat brenda afatit të caktuar.

Këto kërkesa, për verifikim të të dhënave sipas këtij ligji, iu përkasin organeve kompetente si më

poshtë vijon: - Këshillit të Emërimeve në Drejtësi 1, për formularët e vetëdeklarimit të plotësuar nga 12

(dymbëdhjetë) persona, kandidatë për anëtarë në Gjykatën Kushtetuese”, thuhet në raport.

Kandidaturat ishin për plotësimin e dy vakancave, të krijuara nga largimi i ish-kryetares, Holta Zaçaj dhe gjyqtares së dorëhequr, Elsa Toska.

Gjatë drejtimit të Sadushit, Këshilli i Emërimeve në Drejtësi u vendos në një kurs përplasjeje të fortë me Gjykatën Kushtetuese, por edhe me Parlamentin e Shqipërisë. Nëpërmjet mekanizmave ekstra-ligjorë, por edhe presionit publik, Sokol Sadushi arriti të ndërpresë në mënyrë jo-kushtetuese kohëzgjatjen e mandateve të dy gjyqtareve.

Por, ndërkohë që Sadushi, si kreu i KED-it, reklamonte betejën e tij si një mjet për t’iu përmbajtur Kushtetutës, në fakt ai vetë e ka shkelur të gjithë procesin e Dekriminalizimit të kandidatëve për në Kushtetuese, siç konstaton hapur Prokurori i Përgjithshëm.

Dekriminalizimi/ Sadushi injoroi verifikimin e kandidatëve për

Dokumenta bashkëngjitur





Lajmet e fundit nga