web counter
LEXO PA REKLAMA!

SHKARKO APP

App Store
Google Play

“Më refuzoi kur isha në opozitë”/ Rama ndan titullin e lartë për ekonomistin e shquar venezuelian

6 Maj 2026, 17:21, Aktualitet CNA

Kryeministri Edi Rama ishte i pranishëm pasditen e sotme në në ceremoninë solemne të dhënies së titujve “Doctor Honoris Causa” për personalitete të njohura ndërkombëtare të së drejtës, akademisë dhe artit.

Në fjalën e tij, Rama u ndal te rasti i profesorit Ricardo Hausmann, që sipas tij, i përket një grupi ekonomistësh të shquar, nga ata që e bëjnë një vend të ndryshojë.

Teksa fliste për intelektualin e shquar, Rama ndau edhe pak nga historia e njohjes së tyre, që sipas kryeministrit ka ndodhur pikëisht në kohën kur ishte në opozitë dhe njihej si një  piktor që donte të fitonte zgjedhjet.

“Kjo është një platformë globale që mbledh njerëz të spikatur të botës së ligjit nga të gjitha kontinentet. Sot u thirra këtu për të pararendur me fjalën time titullin “Honoris Causa” për profesor Ricardo Hausmann dhe me kërkesën që iu kishte bërë  organziatorëve, që është një barrë jo e lehtë, por duke qenë se në raste të veçanta do e kthej fjalën në anglisht. Për mua është një provim fjala para këtij profesori. Ka shumë ekonomistë që bëjnë shpjegime, por ka edhe një numër që i bëjnë vendet të ndryshojnë përpara së bota t’i vërë re. Po festojmë për një intelektual të respektuar. U ka mësuar kombeve që të zbulojnë shumë dhe duhet të them diçka, se marrëdhënia ime me Ricardon ka filluar si një dështim total. I shkrova kur isha në opozitë dhe u përpoqa që të gjeja mënyra që ta gjeja se Shqipëria ia vlente për kohën e tij dhe në këmbim të kësaj unë mora heshtje. Nuk kishte dëgjuar që një piktor të bëhej kryeministër dhe vazhdoja të pyesja veten se pse do të refuzonte komunikimin një opozitar. Kuptova se për të marrrë vëmendjen e tij, duhet të fitosh zgjedhjet.”,-tha Rama./CNA





Lajmet e fundit nga