web counter
LEXO PA REKLAMA!

SHKARKO APP

App Store
Google Play

E fundit!

x

Aksidenti tragjik në Durrës/ Mes lotësh, rrëqeth babai i të miturit që humbi jetën: Më preu krahët

6 Maj 2026, 21:09, Aktualitet CNA

Aksidenti tragjik në Durrës/ Mes lotësh, rrëqeth babai i

Familjarët e 13-vjeçarit që mbeti viktimë e aksidentit tragjik në Durrës kanë rrëfyer mes lotësh dhimbjen dhe kërkojnë drejtësi për humbjen e djalit të tyre.

Në një intervistë për Top Channel, Ermal Muçaj, babai i 13-vjeçarit mes lotësh rrëfen ditët pa të birin.

“Ikja, lëvizja, tani më preu krahët. Këto ditë i kaloj se kur dal në çdo cep më duket sikur më thërret: ‘o babi, po pse s’më merr?’. Do vij o babi, i them, do vij. Kështu që s’kam komente. Çfarë të them më? Flas, kudo në çdo cep e shoh, më del. ‘Pse s’më merr babi?!’, më thotë. Do vij, i them. Vetëm më thërret”, u shpreh babai Ermal Muçaj.

Muçaj tregon për ëndrrat që kishte i biri, i cili humbi jetën në aksidentin tragjik të 3 majit.

“E shihja e buzëqeshte e i thosha ‘He merr bab do ti ngjash babit?’. ‘Po’ më thoshte. ‘Do bëj profesionalen, do vij me ty të ndihmoj’ thoshte. Mekanik… Ishte shumë i pasionuar..”, rrëfeu mes lotësh ai.

Ermal Muçaj ka drejtuar gishtin e përgjegjësisë ndaj institucioneve pasi shprehet se e kishin denoncuar shpesh herë autorin e aksidentit Nikollë Radaçin.

“Nuk ia kam pasur borxh njeriut edhe nuk e di. Nuk e di se si… do ishte parandaluar me 100 firma. Kishim muaj, muaj e muaj që merrnim tabulatet, telefonatat nga gjithë banorët e lagjes. Edhe policia vinte, qeshte… një gjë qesharake”, tha ai.

Ai thekson se autoi lëvizte gjatë gjithë kohës i dehur me makinë, në mënyrë të pakontrollueshme ndërsa thotë se policët e korruptuar e kanë lënë atë të lirë.

“Ishte i përditshëm, i përditshëm. Tapë. Ecte në mënyrë të pakontrollueshme, por policët e korruptuar e lanë, pinin kafe dhe kthenin fletën.

Institucioneve do t’u thoshim: në rrugë s’po na i lini të kalojnë kalamajtë, në trotuar po na i shtypni. Tashti parqe s’keni bërë. Ku mund t’i lëmë fëmijët? Vetëm këtë të na thonë, se ku mund t’i lëmë?…”, u shpreh i ati./ CNA





Lajmet e fundit nga