web counter
LEXO PA REKLAMA!

SHKARKO APP

App Store
Google Play

E fundit!

x

Helmimi i studentëve të Akademisë së Sigurisë/ Hita: Shkeljet do të bëhen të ditura në vijim

7 Maj 2026, 14:02, Aktualitet CNA

Helmimi i studentëve të Akademisë së Sigurisë/ Hita:

Drejtori i Përgjithshëm i Policisë së Shtetit, Skënder Hita, ka zhvilluar ditën e sotme një konferencë ku ka folur për helmimin e studentëve të Akademisë së Sigurisë.

Hita tha se veprimet hetimore u ndërmorën në bashkëpunim me AKU-në dhe tha se aktiviteti i shërbimit tregtar nuk është ndërprerë.

Kryepolici u shpreh se shkeljet konkrete të bëra nga subjekti do të bëhen të ditura në ditët në vijim.

 

 

“Ka qenë një ngjarje sensitive dhe për ne. Jemi njoftuar se disa prej studentëve kanë shkuar në spital. Gjendja e tyre ishte me simptoma të lehta, jo të rënduara. Kemi marrë masa për të gjithë studentët. Sa u përket veprimeve që ndërmorëm dje, arrestuam 2 personat përgjegjës që kanë kryer pjesën administrative dhe përgatitjen e ushqimeve. U shpall në kërkim edhe administratorja e firmës. U bë në bashkëpunim me AKU-në, bllokimi i lëndës që u përdor. Aktiviteti i subjektit tregtar nuk është ndërprerë, pasi ka edhe disa institucione të tjera ku vepron. Shkeljet konkrete do të bëhen të ditura në vijim. Për momentin kemi marrë vetëm njoftimin që këta studentë janë helmuar. Edhe sot kemi vazhduar me të njëjtën kompani. Dje u bë bllokimi i lëndëve apo sasitë ushqimore të përdorura nga studentët. Kompania vazhdon të furnizojë studentët edhe sot. Do të shohim më tej se si do të operohet”, tha ai.





Lajmet e fundit nga