web counter
LEXO PA REKLAMA!

SHKARKO APP

App Store
Google Play

“Helmimi i 56 studentëve, presim analizat”/ Flet administratori i Akademisë së Sigurisë

7 Maj 2026, 13:52, Aktualitet CNA

“Helmimi i 56 studentëve, presim analizat”/ Flet administratori

Administratori i Akademisë së Sigurisë, Milton Nushi, ndau detaje lidhur me ngjarjen e rëndë të helmimit të 56 studentëve të këtij institucioni, pas konsumimit të vaktit të drekës së të mërkurës.

Në një pronocim për mediat, Nushi deklaroi se bëhet fjalë për menu ditore që shërbehet nga kompania e licencuar për të sjellë tri vaktet për studentët.

Sipas Nufit, për të dalë në një përgjigje të saktë duhet të priten të dhënat nga analizat laboratorike, ndërsa shtoi se gjendja e studentëve është e mirë.

“Kanë pasur shqetësime studentët pas konsumimit të vaktit të drekës. 56 studentë në total. Janë çuar në infermierinë këtu dhe më pas në QSUT. Dyshimi është se ka ndodhur pas konsumimit të ushqimit. Kanë një menu ditore për çdo vakt, ushqimi është i standardeve shumë të mira dhe mund të ketë pasur për punën e llojshmërisë, por që ushqimi është i mirë. Nuk kemi pasur asnjë problem helmimi deri tani. Kemi njoftuar AKU-në dhe Shëndetin Publik, të cilët kanë marrë mostrat. Ky është rasti i parë. Më duket në 2016 ka qenë një rast. Kontrata e re me kompaninë, por ka pasur edhe kontrata të mëparshme. Punonjësit e shëndetit publik po marrin sërish analizat e studentëve. Helmimi ka qenë formë e lehtë. Nuk mund të them nga se ka ardhur pa folur institucionet. Gjendja e studentëve është e mirë. Mund ta kishim menaxhuar edhe këtu në infermieri, por për të qenë më të sigurtë i dërguam në QSUT. Ushqimi përgatitet në një vend tjetër, atje ku ka licencimin kompania. Tri vaktet. Cilësia e ushqimit është e mirë”,- tha Nushi./CNA





Lajmet e fundit nga