web counter
LEXO PA REKLAMA!

SHKARKO APP

App Store
Google Play

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

4 Qershor 2026, 22:51, Aktualitet CNA

Biznesmeni Artur Shehu thyen heshtjen: Jam pronar i vjetër i tokës

Biznesmeni shqiptar Artur Shehu ka folur në emisionin Opinion për çështjen e pronës në Zvërnec.

Artur Shehu ka deklaruar në Opinion se ai është një pronar i vjetër i asaj toke, duke theksuar se toka është padiskutim pronë e Shehëve.

“Unë jam pronar i vjetër. Unë jam një nga pronarët. Është e gjithë farefisit. Kam 252-253 hektarë me certifikatë pronësie. Hektarët e tjerë janë të familjes së Eqerem bej Vlorës.

Do vij t’ua shpjegoj të gjitha. Prona është e padiskutueshme e Shehëve.  Është pronë e vjetër fare”, tha Shehu.

Sa i përket hetimeve të SPAK, Shehu u shpreh se Prokuroria e Posaçme ka punën e saj ta verifikojë. 

“SPAK ka punën e saj ta verifikojë. S’kam asgjë me SPAK”, tha ai.

I pyetur a i njeh investitorët, Shehu tha jo dhe se ndërmjet tyre ka patur një ndërmjetës.

Po ashtu theksoi se tokën e ka shitur me 68 euro metra katrorë.

“Investitorët nuk i njoh fare, kam një ndërmjetës. 68 euro metri katrorë kanë blerë tokën investitorët”, tha Shehu.  

Ndërkohë ka mohuar të jetë takuar në Aruba me persona që kanë të bëjnë me projektin duke i quajtur qarkullimet në media fake news.

“Absolutsht fare. Është fake news. Në Aruba kam qenë dhe do vete.

Nuk kam takuar në Aruba persona që kanë të bëjnë me projektin ”, u shpreh Shehu./ CNA





Lajmet e fundit nga