web counter
LEXO PA REKLAMA!

SHKARKO APP

App Store
Google Play

"Një çoban e denoncoi"/ Si ra policia e Korçës në gjurmët e autorit të vrasjes së efektivit

4 Qershor 2026, 21:15, Aktualitet CNA

"Një çoban e denoncoi"/ Si ra policia e Korçës

Gazetarja Glidona Daci, në një lidhje me emisionin Opinion ka folur lidhur me ngjarjen e ndodhur paraditen e sotme në Lozhan të Korçë.

Gjatë zhvillimit të një operacionit për kapjen e të kërkuarit Violand Braçellari, mbeti i vrarë efektivi Enea Mekolli dhe u plagos  efektivi tjetër, Edison Adri.

Daci gjatë fjalës së tij, tregoi se si policia ra në gjurmët e Braçellarit. Ky i fundit sipas gazetares jetonte prej 10 vitesh në zonën ku u gjet dhe kishte një çoban që e paguante për t’i ruajtur bagëtitë.

Ajo shtoi se pas një konfikti që kishte pasur me Braçellarin, çobani e kishte denoncuar në policinë e Maliqit. Nga aty është verifikuar se autori i vrasjes së efektivit ishte në kërkim dhe menjëherë është ngritur grupi i punës për kapjen e tij.

“Ai jetonte prej 10 vitesh atje dhe kishte një çoban, të cilin e paguante për bagëtitë. Çobani, pas një konflikti me të, ka shkuar në Policinë e Maliqit. Nga verifikimet ka rezultuar se ai ishte në kërkim. Është ngritur grupi i punës dhe rreth 40 forca policie kanë marrë pjesë në operacion. Fillimisht i kanë bërë thirrje të dorëzohet. Sapo ka parë forcat e rendit, ai ka hapur zjarr.

Dy prej plumbave kanë goditur efektivin që ndërroi jetë. Efektivi tjetër është goditur nga një plumb në pjesën e nofullës. Vetë autori është plagosur, pasi efektivët i janë kundërpërgjigjur me zjarr. Aktualisht ndodhet në spitalin e Traumës. Ai kishte ngritur edhe disa sera ku kultivonte fruta e perime dhe mbante bagëti. Ende nuk ka informacion nëse merrej me kultivimin e lëndëve narkotike”, u shpreh gazetarja. /CNA





Lajmet e fundit nga