web counter
LEXO PA REKLAMA!

SHKARKO APP

App Store
Google Play

4 të vërteta për protestën dhe Zvërnecin

8 Qershor 2026, 09:01, Aktualitet REDAKSIONALE

Shqipëria është përfshirë prej një jave nga një valë protestash kundër qeverisë. E gjitha nisi nga një ngjarje e tensionuar mes banorëve dhe policisë private në Zvërnec për rrethimin e një zone për një investim të huaj, që më pas u përdor për të filluar protestat në Tiranë. (LEXO KËTU)

Protestat po vijojnë që prej asaj dite në qendër të Tiranës dhe veçanërisht para godinës së Kryeministrisë, ku qytetarë të zakonshëm dhe jo vetëm po kërkojnë dorëheqjen e kreut të qeverisë, Edi Rama. Ndërkohë që paralelisht po zhvillohen edhe protesta në disa qytete të tjera të Shqipërisë dhe në diasporë. (LEXO KËTU)

Protesta u nxit edhe nga një sërë pretendimesh kryesisht nga ambientalistë dhe banorë të zonës, të cilat më pas u zbardhën dhe gjithçka u pa se nuk ishin të vërteta.

Bëhet fjalë për mashtrime të përhapura nga grupe të ndryshme të lidhura me lëvizjen neokomuniste të Arlind Qorit, "Call Center"-ave të dyshimtë, stafeve të kryebashkiakut të arrestuar të kryeqytetit, Erion Veliaj, blogerë, anarkistë, grupime antikombëtare, por edhe agjentët që veprojnë nga shërbimet sekrete të Ballkanit. (LEXO KËTU)

FLAMINGOT!

4 të vërteta për protestën dhe Zvërnecin

Ndryshe nga sa pretendojnë grupime të caktuara ambientalistësh, zona nuk është habitat flamingosh. Prej disa javësh shkojnë shumë aktivistë dhe protestues dhe ende nuk kanë gjetur një flamingo të vetëm në Zvërnec.

U shit toka e shtetit

Pretendimet se është shitur dhe projekti ka tokë shtetërore, nuk janë të vërteta. Ka problematika në lidhje me pretendues mbi pronësinë, të cilët ndodhen në gjykata. Ende asnjë aktivist apo pretendues nuk ka nxjerrë një dokument të vetëm që të tregojë se po shitet sipërfaqja prej 200 ha nga qeveria për llogari të investitorëve.

Hebrenjtë po blejnë toka

Në rastin e Zvërnecit nuk ka as blerje tokash dhe as investitorë nga Izraeli. Në rrjetet sociale qarkulluan foto dhe materiale propagandistike se ishin hebrenjtë që po blinin toka për qëllimet e tyre, kryesisht këto të nxitura nga qarqe ekstremiste dhe grupe të caktuara për të provokuar më tej situatën.

E vërteta është që bëhet fjalë për dy vëllezërit Alkhayatt nga shteti i Katarit, që njihen edhe si bashkëpronarët e konglomeratit "Power Holding", blerësit e tokës private dhe bashkëinvestitorët e projektit të Zvërnecit. Ky investim në parashikimet e para kap vlerën prej 4 miliardë eurosh.

Pretendimet për pronat

Pronarët pretendues të tokës në zonën ku do të zhvillohet investimi nuk janë kundër projektit. Përkundrazi, ata kanë shprehur vazhdimisht përmes deklaratave publike rëndësinë dhe rolin e investimeve në zonë, që pritet të ofrojnë një zhvillim të gjerë turistik, por edhe ekonomik. Disa prej tyre kërkojë zgjerimin e zonës dhe futjen e pronave të tyre për zhvillim.

Këto janë të vërtetat dhe manipulimet e një propagande që qytetarët t’i kuptojnë, jo për të ndalur protestat, por për të qëndruar tek e vërteta./CNA





Lajmet e fundit nga