web counter
LEXO PA REKLAMA!

SHKARKO APP

App Store
Google Play

Vrau efektivin në Maliq dhe plagosi një tjetër/ Merret vendimi për autorin, lihet në arrest me burg

7 Qershor 2026, 13:54, Aktualitet CNA

Vrau efektivin në Maliq dhe plagosi një tjetër/ Merret vendimi

Gjykata e Korçës ka vendosur masën e sigurisë “arrest me burg” për Violand Braçellarin, autorin e vrasjes së efektivit Enea Mekolli dhe plagosjen e efektivit tjetër Edison Adri në Lozhan të Maliqit.

Bazuar në vendimin e dhënë nga gjyqtari Gentjan Sallahu, ndaj autorit tanimë rëndojnë akuzat për kryerjen e veprave penale "Vrasje e punonjësve të policisë së shtetit", "Vrasje e punonjësve të policisë së shtetit" ngelur në tentativë, "Mbajtje pa leje dhe prodhimi i armëve, armëve shpërthyese dhe i municionit" në formën e mbajtjes së armëve të zjarrit në ambiente publike dhe "Prodhimi dhe mbajtja pa leje e armëve të gjuetisë dhe sportive" në formën e mbajtjes së armës së gjuetisë dhe municionit, parashikuar prej neneve 79/b, 79b-22, 278/1 dhe 280 të Kodit Penal.

Ngjarja e rëndë u shënua të enjten, kur rreth orës 07:30, shërbimet e Policisë kanë rrethuar stanin ku dyshohej se fshihej Braçellari, i cili nuk i është bindur thirrjes së policisë për t’u dorëzuar dhe ka hapur zjarr në drejtim të punonjësve të policisënë.

Braçellari, 43 vjeç, është dënuar në vitin 2017 me 9 vjet, 11 muaj e 7 ditë burgim nga Gjykata e Korçës, për veprën penale “Prodhimi dhe shitja e narkotikëve”, ndërsa në vitin 2011 ndaj tij është caktuar masa e sigurisë “Arrest në burg”, për veprën penale “Kultivimi i bimëve narkotike”./CNA





Lajmet e fundit nga