Garat formale në Policinë e Shtetit

6 Qershor 2026, 16:03, Aktualitet CNA

Ditën e sotme është publikuar renditja me kandidatët që pritet të marrin drejtimin e policive në qarqet Tiranë, Durrës, Vlorë, Fier , Kukës dhe Lezhë.

Ndërkohë që zhvillohej gara, në policitë e qarqeve kishte drejtues të komanduar. Gara është thjesht formale, pasi fitues janë shpallur ata që kanë qenë drejtorë të komanduar.

Nuk kontestojmë emrat, por pikërisht që këta emra të ngelen aty ku u takon, duhet të bëjmë sikur nuk shikojmë dhe nuk dëgjojmë.

Gara për drejtuesit e policisë në qarqe, përfundon renditja e kandidatëve/ Tre emrat që kryesojnë listën
6 Qershor, 10:07

Policia e Shtetit duhet të ketë një garë të vërtetë, e cila në thelb është shkolla, karriera, trajnimet dhe eksperienca.

Garat e përsëritura janë thjesht formale, e theksojmë sërish, jo për të kontestuar emrat në parim se janë oficerë karriere, por komandohen dhe pastaj bëhet një konkurs formal për t’i zyrtarizuar.

Ligji për Policinë e Shtetit ka nevojë për ndryshime. Mund të ketë ndryshime në tri vjet, bëhet gara dhe më pas emrat qarkullojnë.

Por duke marrë shkas garën e fundit problematik është ky fakt: komandohet, garohet dhe më pas konfirmohet.

Emrat/ Kush pritet të marrë drejtimin e policisë në Tiranë, Durrës, Fier, Lezhë, Kukës dhe Vlorë
6 Qershor, 11:25

Të emërohen direkt, se nuk kanë pse bëhen komandime dhe konkurse fiktive, ose emërimi të bëhet sipas gradave. Pra, Policia e Shtetit ka dosjet e tyre, i di cilët janë oficerët e karrierës dhe mund të vendosë se kush do të marrë drejtimin e kujt.

Pra, shteti duhet t’i paguajë këta oficerë karriere, t’u gradojë në pozicione të tjera të rëndësishme. Nuk i kushton asgjë Policisë së Shtetit që 100 oficerë të mirëpaguhen, që më pas të mos ketë skemë komandimesh, të bëhet garë dhe më pas të emërohen.

Oficerët e karrierës janë pasuri kombëtare, jo thjesht oficerë policie.

Duhet të trajtohen si pasuri kombëtare, jo thjesht si ca oficerë që s’i do Rama, kanë qenë në kohën e Taulantit, apo të Xhafajt, apo që kanë qenë me Saliun. Nuk bëhet karrierë në polici se ke qenë me Saliun, apo të ndryshojë sepse ndryshon drejtimi në politikë.

Në rast se duhet garë për drejtorë të qarqeve, le ta bëjnë me zgjedhje, me votim si në Amerikë, të votojë populli ose t’i zgjedhë Këshilli Bashkiak ose i qarkut.

Futja e duarve në ligjin e Policisë së Shtetit, duke e përshtatur sipas standardeve të BE-së apo ekspertëve të SHBA-së, thjesht dhe vetëm ka krijuar një amalgamë që nxjerr në pah problematikat thelbësore.

Tri dekada në polici/ Kush është drejtori i ri që pritet të marrë komandën për Tiranën
6 Qershor, 11:34

Policia e Shtetit ka oficerë karriere që s’kanë hyrë në këtë garë, profesionistë të ndershëm, të cilët nuk bëhen pjesë e këtyre formalizmave. Policia e Shtetit vlerësimin duhet ta ketë nga karriera dhe ndershmëria, jo me këto gara me komisione që marrin urdhra nga ministri që është partiak, me parimin “ky më pëlqen”, “ky ka qenë kur ishte Taulanti apo kur ishte Xhafaj”, “ky ka qenë në kohën e Saliut”, “këtë se do Rama”. Këto s’janë gara, këto janë formalitete.

Që të kemi oficerë të mirë karriere dhe profesionistë në detyra, mjafton të kemi një sistem me çdo të dhënë të dosjeve të këtyre personave dhe jo duke u futur në gara formale, por secili të jetë në garë me veten, me rezultatet në karrierë dhe me eksperiencën.

Kush është emri që do të drejtojë Policinë e Durrësit
6 Qershor, 12:02

Jo të bëjmë sikur bëjmë gara, por t’u japim atë që meritojnë për kontributin që kanë dhënë në Policinë e Shtetit.

Ajo që duhet të bëhet është të kemi një ligj për Policinë e Shtetit, jo të përdoret sipas interesit politik të momentit, “hiqja Lenës, vërja Prenës”.

Policia e Shtetit duhet të investojë në shkollime dhe trajnime. Shteti duhet t’i ruajë, kush gabon, kush nuk ka rezultate, ulet në grada, largohet në pozicion tjetër dhe u hapet rrugë më të rinjve. Por duhet të investojmë për këtë aset kombëtar, jo të futet përçarja në Policinë e Shtetit.

Ja kush e merr drejtimin e Policisë së Vlorës
6 Qershor, 12:27

Janë taksapaguesit shqiptarë që paguajnë për këta njerëz, pavarësisht se merren me merita nga politika.

Dy janë rrugët: ose të bëhen gara të vërteta, të hapura, pa ndërhyrje dhe manipulime, qoftë edhe me zgjedhje. Ose, ashtu si në shumë vende të botës dhe Europës, oficerët e karrierës të kenë një dosje dhe të trajtohen si pasuri kombëtare, ku shënohet eksperienca e tyre, trajnimet, detyrat e mbajtura, pastërtia e figurës, vetingu./ CNA