Çështja e aeroportit të Vlorës/ Gjykata e Tiranës "ngrin" situatën

5 Qershor 2026, 21:27, Aktualitet CNA

Çështja e aeroportit të Vlorës/ Gjykata e Tiranës

Gjykata e Shkallës së Parë Tiranë ka vendosur të ngrijë situatën aktuale të kompanisë VIA sh.p.k., deri në marrjen e një vendimi të formës së prerë.

Sipas vendimit ndalohet çdo vendimmarrje, veprim juridik ose regjistrim që ndryshon ose ushtron të drejta mbi një raport zotërimi kuotash të ndryshëm nga ai që rrjedh nga Kontrata e Shitblerjes së Kuotave sipas së cilës, Mabco zotëron 51% të kuotave dhe 2A Group zotën 49%.

Ndër të tjera është vendosur pezullimi i mbledhjes së datës 06.06.2026 të Asamblesë së Ortakëve të VIA-s dhe duke ndaluar shkarkimin e administratorit aktual, Vegim Hoxha, si dhe emërimin, zgjedhjen ose caktimin e një administratori tjetër.

Gjithashtu detyrohet ortaku në VIA Shoqërinë Macbo Construction SA të ruaj të pandryshuar statusin juridik, korporativ dhe administrativ të shoqërisë deri në zgjidhjen përfundimtare të mosmarrëveshjes me vendim të formës së prerë.

Vendimi i plotë:

Gjykata lidhur me kërkesën për marrjen e masës së sigurimit të padisë, me datë 05.06.2026,

*VENDOSI*

1. Pranimin e kërkesës për marrjen e masës së sigurimit të padisë, me qëllim ruajtjen e gjendjes ekzistuese juridike, korporative dhe administrative në VIA sh.p.k., deri në Shoqërinë Vlora International Airport përfundimin e gjykimit me vendim të formës së prerë, duke:

* ndaluar çdo vendimmarrje, veprim juridik ose regjistrim që cenon, ndryshon ose ushtron të drejta mbi një raport zotërimi kuotash të ndryshëm nga ai që rrjedh nga Kontrata e Shitblerjes së Kuotave nr. 2437 Rep., nr. 941 Kol., datë 03.04.2025, sipas së cilës Mabco Construction SA zotëron 51% të kuotave dhe 2A Group SHPK zotëron 49% të kuotave të Shoqërisë VIA;

* pezulluar mbledhjen e datës 06.06.2026 të Asamblese se Ortakeve te VIA-s dhe duke ndaluar shkarkimin e administratorit aktual, z. Vegim Hoxha, si dhe emërimin, zgjedhjen ose caktimin e çdo administratori tjetër nga Asambleja e Përgjithshme e Ortakëve ose çdo organ tjetër të shoqërisë;

* pezulluar marrjen e çdo vendimi për ndryshim statuti, për njohje kontratash të pamiratuara me pare nga VIA, ndryshim administrator apo organesh drejtuese, kontrate huaje e çdo forme tjeter dhe

* detyruar ortakun ne VIA Shoqërinë Macbo Construction SA të ruaj të pandryshuar statusin juridik, korporativ dhe administrativ të shoqërisë deri në zgjidhjen përfundimtare të mosmarrëveshjes me vendim të formës së prerë. /CNA

Çështja e aeroportit të Vlorës/ Gjykata e Tiranës