web counter
LEXO PA REKLAMA!

SHKARKO APP

App Store
Google Play

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

5 Qershor 2026, 15:23, Aktualitet CNA

Drejtuesi i Departamentit të Mjedisit në PD, Jamarbër Malltezi, në Ditën Botërore të Mjedisit, ka vizituar vendgrumbullimin e plehrave në Elbasan. Malltezi shprehet se ky mal me plehra shpesh digjet dhe ndot të gjithë ajrin e Elbasanit.

Ai thekson se këto mbetje dekompozohen dhe ndotin ujërat nëntokësore dhe Shkumbinin. Ndër të tjera shprehet se në shtratin e lumit ka grabitje të inerteve lumore që kanë shkaktuar erozion të brigjeve dhe tokave bujqësore.

Postimi i plotë:

Në Ditën Botërore të Mjedisit erdhëm në zonën që ilustron më mirë çfarë është keq në Shqipëri. Mali me plehra i depozituar në mënyrë të paligjshme shpesh digjet dhe ndot ajrin e gjithë Elbasanit.

Mbetjet dekompozohen dhe ndotin ujrat nëntokësore dhe Shkumbinin që ka marrë ngjyrë kafe ngaqë nul trajtohen ujrat e zeza të 4 qyteteve dhe ndotjet industriale që nga Luca e deri tek industritë pa standarde të vensosura tek ish kombinati metalurgjik.

Por po në shtrat lumi kemi grabitje kriminale të inerteve lumore që kanë shkaktuar erozion të brigjeve dhe tokave bujqësore ku me qindra m3 dhera përfundojnë në lumë çdo ditë dhe me dhjetëra hektarë tokë buke po prishen çdo vit për pak miljona më shumë për 2-3 kompani që "kolliten" tek edi rama dhe taulant balla.

Qytetarët e Elbasanit marrin ndotjen dhe rrezikojnë kancer veç që edi dhe taulanti të marrin thasët çdo muaj. /CNA





Lajmet e fundit nga