web counter
LEXO PA REKLAMA!

SHKARKO APP

App Store
Google Play

E fundit!

x

Dosja "Meta"/ GJKKO rrëzon kërkesën për transmetimin live të seancës

5 Qershor 2026, 13:41, Aktualitet CNA

Dosja "Meta"/ GJKKO rrëzon kërkesën për

Në Gjykatën e Posaçme po shqyrtohet çështja ndaj kryetarit të Partisë së Lirisë, Ilir Meta, dhe ish-deputetes, Monika Kryemadhi.

Avokati Kujtim Cakrani ka deklaruar në sallën e gjyqit se do të dëshironte praninë e kamerave, duke e cilësuar këtë si një kërkesë publike.

“Javën e kaluar kam bërë kërkesë për kafazin e qelqtë. E kam adresuar edhe në ambasada në Shqipëri dhe institucione të tjera. Ju nuk e pranuat dhe mirë keni bërë, sepse GJKKO ka një praktikë që e përdor vetëm kur ka interes të saj. Ky është problem i gjykatës”, u shpreh ai.

Nga ana tjetër kreu i Partisë së Lirisë, Ilir Meta, ka kërkuar të rishikohet edhe një herë kërkesa e tij.

“Të nderuar anëtarë të trupit gjykues, kërkoj të rishikohet çështja e transmetimit live. Nuk kam dyshim se rastet që përmendni janë ashtu siç thoni ju, por edhe ne kemi paraqitur bazat tona ligjore. Nuk shoh asnjë arsye që ky proces të mos jepet live. Publiku duhet të informohet”, tha Meta.

“Nuk shoh asnjë arsye që ky proces të mos jepet live. Publiku duhet të informohet”, tha Meta.

Gjyqtari Erjon Bani ka vendosur të rrëzojë kërkesën e Metës për transmetimin live të seancës.

“Prania e kamerës nuk parashikohet në legjislacion. Proceset gjyqësore nuk mund të shndërrohen në spektakle apo në 'show' mediatik, por duhet të jetë i qetë dhe i garantuar. Prania e kamerës ndikon në cilësinë e gjykimit dhe shqyrtimit gjyqësor. Rrëzohet kërkesa e transmetimit live. Lejimin e përfaqësuesve mediatikë. Ndalimi i çdo lloj regjistrimi. Ndërpritet regjistrimi”, thuhet në reagim./ CNA





Lajmet e fundit nga