web counter
LEXO PA REKLAMA!

SHKARKO APP

App Store
Google Play

Zbardhen të tjera detaje/ Gjenden 3 armë në stanin ku fshihej Braçellari

5 Qershor 2026, 10:17, Aktualitet CNA

Zbardhen të tjera detaje/ Gjenden 3 armë në stanin ku fshihej

Hetimet për ngjarjen e rëndë në Lozhan, ku si pasojë e shkëmbimit të zjarrit mbeti i vrarë efektivi Enea Mekolli dhe u plagos Edison Adri, kanë zbuluar në stanin ku fshihej Violand Braçellari 3 armë, armën kallashnikov me të cilën qëlloi mbi policinë, një pushkë model 56 dhe një çifte.

Nga kontrollet nuk është gjetur municion, çfarë bën të besohet se Braçellari e ka përdorur të gjithë arsenalin që posedonte për të qëlluar mbi efektivët e përfshirë në operacionin për kapjen e tij.

Në vendin ku fshihej i shumëkërkuari policia ka gjetur edhe një radio policie dhe gjatë zhvillimit të operacionit, efektivët kanë fikur radiot e tyre për të mos interferuar me atë të Braçellarit.

Nga hetimet e Prokurorisë dhe AMP për zbatimin e procedurës dhe protokollit nga ana e Drejtorisë së Policisë së Korçës, nuk janë konstatuar shkelje.

Sa i takon mungesës së kërkesës nga ana e Policisë së Korçës për forcat RENEA apo forcën operacionale, grupi hetimor bën të ditur se policia e Korçës ka vlerësuar në mënyrë korrekte rrezikshmërinë e Braçellarit, i cili ishte i dënuar për Prodhim dhe shitje të lëndëve narkotike dhe jo për vepra të rënda penale që lidhen me jetën. Kërkesa për forcat RENEA, vlerësohet rast pas rasti dhe nuk është detyrim që zbatohet në çdo operacion policor./ CNA





Lajmet e fundit nga