LEXO PA REKLAMA!

SHKARKO APP

E fundit!

x

Salianji bëhet pishman, i rikthehet betejës për bashkim pa shkarkuar Alibeajn

16 Janar 2023, 17:12, Politikë CNA
Salianji bëhet pishman, i rikthehet betejës për bashkim pa
Ervin Salianji

Ervin Salianji duket se nuk i ka gjetur dot 3 firmat që i mungonin për të bërë të mundur shkarkimin e Enkelejd Alibeajt.

Ka marrë një kthesë të vogël duke deklaruar se “nuk e ka me nxitim”, por do shqyrtojë çdo opsion i mundshëm që çon drejt bashkimit të demokratëve.

Edhe pse tha se 60% e deputetëve e mbështesin atë, Salianji nuk bëri publik emrat e 60 përqindshit. Salianji shtoi se të gjitha opsionet për bashkim janë në tryezë për diskutim.

Ai u shpreh i gatshëm edhe të heqë dorë nga mandati i tij si deputet në emër të bashkimit, por asnjeri nuk e sheh sesi mandati i Salianjit qenka vendimtar për këtë. Si duket Salianji sheh gjëra që të tjerët nuk i shohin. Mbase edhe dëgjon zëra që të tjerët nuk i dëgjojnë!

Salianji bëhet pishman, i rikthehet betejës për bashkim pa
Enkelejd Alibeaj dhe Ervin Salianji

"Do ecim dhe do t’i japim drejtim bashkimit të Partisë Demokratike. Të gjitha opsionet janë në diskutim, unë thashë që do diskutohet çdo formë dhe do arrihen një konkluzion për bashkimin e partisë. Jo vetëm që marr përsipër përgjegjësi në një moment krize, por jam i gatshëm mund dhe të lë mandatin për bashkimin e PD-së. Çdo lloj opsioni është i mundshëm, e rëndësishme është që vendi të ketë opozitë. Nuk duhet të zhvendoset vëmendja nga skandalet e mazhorancës, thuajse 60% e deputetëve të dalë nga listat e 25 marsit ka një vendim. Unë jam nënkryetar i grupit formalisht, nuk ka pasur një vendimmarrje për përjashtim, duket se ishte një stërkëmbësh për prishjen e bashkimit. Shumica e grupit, në 60% ka një qëndrim të caktuar që është publik. Nuk kemi nxitim për të larguar apo emëruar dikë, në këto kushte nuk do marrim veprime deri në një moment të caktuar. Qëllimi nuk është të zvogëlohet PD apo t’u shërbejmë Ramës. Unë kam bërë një betejë të fortë kundër pronësimit të partisë, shumë shpejt do gjejmë një rrugë zgjidhje”, deklaroi ai.

Gjasat që Salianji sheh e dëgjon ca gjëra që janë të ndryshme nga ato që dëgjojnë e shohin gjith dynjaja forcohet edhe nga bindja që shfaq Salianji se përshembull edhe gjyqin e Babales e ka fituar.

Salianji është në Apel nën akuzën e “kallëzimit të rremë” për dosjen “Babale”.

Dënimin me burg Salianji nuk e njeh si humbje e as si një pengesë, por e ka cilësuar si medalje për luftën opozitare.

“Gjyqin e kam një medalje në luftën opozitare, nuk kam humbur asnjë nga 600 gjyqe”, tha Salianji.

Nëse besojmë ato që thotë Salianji, atëherë Enkeleid Alibeaj qenka tërhequr nga përjashtimi i 4 deputetëve./ CNA.al

Lajmet e fundit nga