web counter
LEXO PA REKLAMA!

SHKARKO APP

App Store
Google Play

Përjashtimi i katër deputetëve/ Berisha zbardh skenarin e Ramës: Alibashat janë lëvozhga

16 Janar 2023, 14:01, Politikë CNA
Përjashtimi i katër deputetëve/ Berisha zbardh skenarin e
Foto ilustruese

Kryetari i PD-së, Sali Berisha, ka zbardhur skenarin e kryeministrit Edi Rama për të ngushtuar hapësirën parlamentare të PD-së.

Sipas Berishës vendimi për përjashtimin e 4 deputetëve nuk ishte vepër e Alibashave, por e Ramës, me qëllimin, sipas kreu të PD, për t’i lënë jashtë komisioneve dhe për t’u lënë dy minuta kohë për diskutim.

“Në kulmin e këtij skandali, i keqpërdoruri i tij shpall se ka përjashtuar 4 deputetë nga grupi. I bën Edi Rama, se Edi Rama i di këto.

Përveç Koresë së Veriut, nuk mund të gjesh parlament në botë, që të dalë një i vetëshpallur kryetar grupi dhe të përjashtojë katër deputetë nga grupi pa asnjë bazë, rregullorja nuk e përjashton këtë.

Kjo ndodh nga Edi Rama, se si të ngushtojë në maksimum hapësirën parlamentare të PD, se si t’i lërë jashtë komisioneve, se si t'u lërë atyre dy minuta kohë për diskutim.

Ky është një akt i padëgjuar ndonjëherë në histori. Është prapë Edi Rama. Ka prej jush që thonë Alibasha. Jo, ata janë lëvozhga njerëzore, nuk janë as njerëz. Nuk kemi pse merremi me ta.

Është Edi Rama, sepse në çdo vend, po të mos ishte Edi Rama, kryetari i parlamentit do i thoshte se nuk përdoren metoda staliniste në parlament”, është shprehur Berisha./ CNA.al

 





Lajmet e fundit nga